منتدى استراحات زايد - تم الرد على الأبيات بهذه القصيده.,.,

.,.,السلام عليكم ورحمة الله وبركاته.,.,

هذه أبيات كتبها أحد الشباب ويطلب الرد عليها :

البارحه ونيت ونه خطيره****من خافق في القلب بالحب بالش
أنا أعايش هالحياه المريره****وغيري مع خله من الناس عايش

وقد تم الرد عليها من الشاعر أحمد بن ظافر الشهراني وبدون مجامله يقول:

يالله لا تعمي لقلبي بصيره000ويا جعل ما ينقال لي ذاك طايش

إبليس ما مات,ونظام يديره000قايم وله في مجتمعنا نهايش

لذا يا بياح الخفى والسريره000لا تشتكي وأنته تحب النبايش

تدري طريقك ما نفعك وتسيره000يستاهل اللي تهتويه البلايش

الحب حب الله على حب غيره000حب له نفوس الخلايق عطايش

الإيمان به نور الحياه القصيره000ذكره وشكره مستطاب المعايش

والحب حب المصطفى والمسيره000اللي ما عاقتها سموم الهوايش

والحب حب أهله وتباع سيره000اللي بهم نار الدروب الوحايش

والحب حب الوالدين,ونظيره000حب التراب اللي عليه نتعايش

والحب حب ملوك شبه الجزيره000اللي ملوك عروش ما هي عرايش

خــدام بيت الله ومسجد نصيره000ما ناشهم لو طالت ايديه نايــش

الحب يا باغيه فـ اشياء كــثيره000تفتــح لها بيبان وإلا درايـــش

حب القريب حب شره وخيره000حب الرفيق اللي لرفقتك شايش

حب الخوي حب القصير لقصيره000حب الحياه المفعمه بالخشايش

وما أقول لك تقطع عن البنت سيره000بس المحبه ما تجي بالغشايش

تقــــدر تسج بها معك كل دــيره000بكــره إليا زينتــها بالغوايــش

.,.,وسلامتكم.,.,