|
""علـى هيكـل اعمـار مصـر عــاد مبنـاهـا....حيـــــــاكم"" السلام عليكم ورحمة الله وبركاته اشحـــــــــالكم كلن بحـــاله؟؟ http://www.2u2u.org/up/uploads/32279e2b3c.jpg (( قصيدة أعمار)) يشب الفكر بالمعنـى وهاجـوس القصيـد يثـور /// وحـروف القافيـة تسكـن لسانـي واتهجـاهـا على طاري بحور الشعر ياللـي تعشقـون بحـور /// قصيد الشاعـر اللـي يحسـب الكلمـه ومعناهـا يلامس كل بيـت مـن بيوتـه لهفـة الجمهـور /// قبل تنزل بصـوت المطـرب اللـي شـاد بغناهـا قصايد يمتزج معنـى وصايفهـا بصـدق شعـور /// لفـت والفكـر سـاق عنانهـا والليـل سراهـا تراقص كانها بنت الرمـك يـوم الثـرا ممطـور /// تهـادت القلـوب لبعضهـا والـشـوق وداهــا وانا لي من خيول السبـق خيـل فعلهـا مذكـور /// على صهوة جـوادي اكسـب الطـولات وارقاهـا ولي باهل الصقارة باع و من اغلى الصقور /// صقورتنـوش الصيـد لوترقـى السحـابـة وتعـداهـا ولي فالهجن خير الهجن واسبقها بـدون قصـور /// اصيلـة كـل مالـزت لهـا الضامـر تحـداهـا اذا قلنا اعمـار المجـد يشهـد والجنـاح يثـور /// تـروم المستحيـل الـلـي تمنـتـه وتمنـاهـا يغطيها الصفار تقـول كانهـا شعلـة مـن نـور /// مزاياهـا عديـده وانشدونـي عــن مزايـاهـا مفارقها وسـاع ومـن مفارقهـا يليـن الـزور /// مـع طـول رقبتهـا وصفهـا يــوم اتحـلاهـا منـارة مسجـد مـع قبتـه يـا عندهـا والكـور /// مـن عيـون الحسـود الله يحفظهـا ويرعـاهـا متى ماعرضـت كـن اكثريهـا للصـدر منـذور /// ولا عقـب السنـام وطيهـا ولا خـف موطاهـا فريدة عصر هالة نصر صفوة وطر سمحة طـور /// تقول كان الله من عـروق ناقـة صالـح انشاهـا اذا تورد اعزل النوق عنها خمس سـت شهـور /// اذا تصـدر اوردهـن واذا تــورد صدرنـاهـا علـى مرباعهـا فـزن ولا رامـن بحـق وزور /// مياديـن البطولـة ملكهـا والهـجـن تـدلااهـا متى ما روحـت كـان الريـاح المقبـلات تبـور /// بـامـر الله مسـراهـا وبـامـر الله مجـراهـا ومتى مانحروهـا واقبلـت رد الخصـر منحـور /// تـروم تحمـد راعيهـا وصعـب تحمـد عقباهـا تقـل ميدانهـا ساحـة قتـال وفوقهـا تيـمـور /// على ضـرب الـدروب الكايـده والسبـق رباهـا اذا قامت تقـوم لحالهـا لـو شوطهـا محشـور /// وهي بيـن انـدر الهجـن العمانيـات و اقواهـا ماخلقـت باخـر الطابـور خلقـت لاول الطابـور /// زعيمة كاس والسيـف المصقـل مـن ضحاياهـا بـلا جنحـان ماتقـدر تحلـق فالفضـا الطيـور /// وهـي تقـدر تحلـق فالفضـا لان الله اعطاهـا مايكسر تيمها اعمار غير اعمـار ياهـل الشـور /// كـان التيمـات معروضـات عليـهـا وتنقـاهـا اعشيها على كفـي محـب وعاشـق ومسـرور /// وهـي لوودهـا كـفـي تعشـاهـا .. تعشـاهـا اجـي بحامهـا جـي الضمـار وادي الممـطـور /// واسايرهـا وتفهـم نظـرة عيونـي وتقـراهـا اسميهـا معجـزة الهجـن ولا باسـم محـظـور /// من اسلحـة الدمـار الشامـل المحظـور مبناهـا هي البحر المحيط الهايج اللي كـل موجـه سـور /// او البرق الذي مـن نـاره الغيمـه نـزل ماهـا شسميها وهي اكبر مـن الاسمـا وانـا معـذور /// تعـب فيهـا الخيـال وماقـدر يكشـف مسماهـا بوصفها لكن من يقـدر يوصـف بنـات الحـور /// بنـات الحـور فالجنـة وهـي فـلارض مرباهـا لو ان فرعون مصر اللي بنى الاهرام قبل عصور /// حضـر مركابهـا فالشـوط الاول يـوم سقناهـا هدم الاهرام والاهرام مشهـورة وهـو مشهـور /// علـى هيكـل اعمـار مصـر عــاد مبنـاهـا وسواالم وصح لسان الشيخ حمدااان :141: وتحياتي لليميع اختكم نظره مني تسدك...~ |
يسلموووووووووووووو عالصووره االحلوووه وصــــح لسااااااااانه |
ۈمتِى مآنْحرۈھٌـآ ۈآقبلـتِ رد آلخڝـر منْحـۈر /// تِـرۈم تِحمـد رآعيْھٌـآ ۈڝعـب تِحمـد عقبآھٌـآ صح لسآنه بـو رآشد ., ومآشاء الله عليها ., رحيييمه _^ تسلمين نرقب يديدج |
وعليكم السلام والرحمة تسلمين أختي ع الصورة الحلوة وصح لسانه الشيخ حمدان والله يعطيج العافية ولا تحرمينا من يديدج |
رووووووووووووووعه .. الصوورة .. ربي يحفظه الشيخ ويطول في عمره .. وصح لسانه.. تسلمين الغلا .. وويعطيج العافييج .. تقبلي مروري " نبض روحي |
| الساعة الآن 06:18 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir