|
رجل للبيع <div> السلام عليكم ورحمة الله وبركاته صباح الورد ممكن اسولف عليكم شكلكم تقولين كو ايه يعني او كيه السالفه ومافيها ان رجال كل ماصلى الفجر رفع ايدينه وقال بصوت عالي اللهم اني اعوذ بك من كيد الحريم ومصخها كل يوم يدعي المهم الامام طفش من الرجال وقال له ياليت ثاني مره تقصر صوتك اذا جيت تدعي تراك ازعجتنا الله يهديك الرجال ماسمع كلام الامام واستمر يدعي ويرفع صوته وميرتقفل مع الامام ويفشله قدام الجماعه وينصحه انه عيب يدعي كل يوم على الحريم لانهن امي وامك واختي واختك ويطلع الرجال من المسجد ضايق صدره بعد هذه التفشيله قدام الجماعه ويقرر انه مايصلي مع الامام شافته مرته قالت وشفيك زعلان يا بعد تسبدي؟ قال مافيه شي قالت ماعرفك اذا زعلت قل لي وش مزعلك؟ علمه بسالفته مع الامام وانه فشله عند جماعة المسجد قالت ابرد لك حقك وفوقه عشرة الاف ريال الزوج!!!!!!!!!!؟؟؟؟؟؟؟؟؟؟ ماهو مصدق قالت اسمع بكرا رح صل بالمسجد البعيد واذا رجعت اوقف براس العاير ولا تجي الا اذا ناديتك قال سمي ومير تضبط قهوه وشاهي وحليب وزنجبيل وقدوع وتاقف براس العاير تحتري الامام الامام رجال يخاف الله ومتعود انه يجلس من بعد صلاة الفجر لمين شروق الشمس ويطلع وهو طالع ناطحته الحرمه قال له وش فيك يام فلان قالت ان رجلي متعوده ازين له القهوه والحليب والشاهي والقدوع ويجي يتقهوى همن يروح للمزرعه بس شكله راح قبل ومتحسفتن اكبهن شفهن بالملحق تقهو وادعي لي ولعيالي ورجلي الامام قلبه بعقله وتحسف بهاالدلال الجاهزه انه تكب وبكل حسن نيه يدخل ملحق البيت ويجلس يتفنجل ويقدع وفجاه قالت له المره ابو فلان رجلي رجع للبيت وخايفه يشك بي تغب بهادولاب لمين يطلع كله دقيقتين الله يجزاك خير حب يقول له ماله داعي ماسوينا شي غلط بس اختصار للحوار ومايبي يسولف معه قال ان شاء الله وسمي دام كله دقيقتين ويدخل بوسط الدولاب وتستقبل الحرمه رجله قالت ليه رجعت؟ قال ابشيل هالدولاب الي ماغير مضيق علينا بالملحق وابيعه بالحراج ويشحن الدولاب بالسياره وعلى الحراج الحرمه طارت لعيال الامام قالت الحقو على ابوكم يبون يبيعونه تراوه بوسط دولاب بسياره رقمه كذا وكذا العيال ماهم مصدقين طارو للحراج وفعلا شافو سياره وبوسطه دولاب حركو الدولاب الدولا ب ثقيل قامو يرفعون بالسعر لين وصل 10 الاف ريال ومير يشترونه ويروحون فيه للبيت ويفتحونه علشان يشوفون وش فيه ويلقون ابوهم المسكين ميت حر قالو يبه وشجابك بوسط الدولاب؟؟ قال قبل كل شي قولو اعوذو بالله من كيد الحريم ويعلمهم بسالفته طبعا كل هذا كان بين صلاة الفجر والظهر توضاء وراح يبي يصلي بالجماعه الظهر يوم صلو ويرفع الرجال صوته بالدعاء اللهم اعذني من كيد الحريم ويرد عليه الامام امين امين امين ويستغربون الجماعه من تصرف الامام الي كان قبل يهاوشه على هالدعاء بعد ماطلعو الجماعه من المسجد راج الرج لالى الامام وقال له ماتخبر لي مشروع معي عشرة الاف ريال ودي افتح مشروع قال الامام اعوذ بالله من كيد الحريم قال الرجل يارجال اتق الله وتعوذ من بليس قال اعوذ بالله من كيد الحريم قال طيب اقصر صوتك قال اعوذ بالله من كيد الحريم بكل لغات العالم ورده لزوجة هذه الرجل خل شفاحة الامام وتحسفه بالقهوه تنفعه <div align="center">هههههههههههه |
| الساعة الآن 08:26 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir