|
صدت أخطبوط كبير.... ولكن النهاية مؤلمة على صحن جدتي السلام عليكم ورحمة الله وبركاته قبل شهر ونص تقريباً كنت ألفلف بالسيارة في مدينتي الحبيبة على قلبي رغم حفرها (جدة) وعديت على البحر وأنا أتكلم بالجوال عن أشغال مع أخويا الصغير وقفت السيارة في المواقف حقت (مسجد السيدة زينب) المسجد الأبيض نهاية خط الكورنيش ونزلت كعابي (على رجولي أمشي) إلين وقفت على الصخور الصغيرة وكنت أحاول أوصل لأبعد نقطة أقدر آخذ راحتي فيها في الكلام لأني كنت :mad: جداً وقفت وأنا أنظر لصخور التي أمامي وكنت قبل كم يوم مشتهي آكل أخطبوط وهو لايتوفر كل يوم في البنقلة نظرت لمسافة متر من مكاني كنت أحاول ألاقي طريقة للوصول لها وفجأة تتتاااااا يطلع أخطبوط كبيير أحمر من القاع ويحشر نفسه بين الصخور قريب مني بمسافة نص متر وحاولت صيدة بحديدة صغيرةطولها مثل كفة اليد, كنت أبغاه يلف نفسه عليها وأسحبه ولكن صار يخوفني وأول مرة أخاف منه صار لونه أصفر ذهبي مثل الكامري (الذهبيةالصفراء) اللون وخبطه بصخرة في منتصف الجسم وصار يبخ حبر أحمر غامق كأنه عصير عنب أسود وصرت أضرب فيه وأنتظر الموج ينظف الحبر وأرجع عليه وهكذا حوالي 6 ضربات في الصميم طاخ طيخ طوخ طخ تش بش والناس بدأت تتجمع وأنا دين أمي قااافل حاولت أصيده وأحافظ على ملابسي نظيفة لأني كنت أبغى أقابل ولد خالي كان جاي من دبي رميت رجلي على الموية وأنعدمت ملابسي ووالله لأصيد أبوجدك اليوم ياإبن اللذين والناس بدأت تتلملم (تتجمهر) وياخوفي واحد يصورني بالجوال آخر مرة أخذت حديدة مصدية طولها متر وأدخلها في وسط الأخطبوط وبدأ بالإلتفاف عليها ظاناً أنها يدي وعلى ميين يحمزة نفلته على الشاطئ برمية رجلٍ واحده ههه والناس بدأت تتلم مثل القرود وجاواحد من إللي يجو جدة قال بطريقة مؤذية مع الأسف وهو فاشخ لأسنانه ومدلداً للسانه : وييشوووووذاععععـ ء ؟(يعني إيش هذا) قلت والله والله على حسن نية وأن أكون متلاطف معه وهذا طبعنا : هذا أخطبوط قال بتريقة :أختبوت !! قلت :ماتعرفه قال :لأ ,تاكله قلت :لأ أرقص معاه أخذت الصيدة ولله الحمد والمنة وله الفضل في كل شيئ أرسل الله لي هذا الأخطبوط ويعلم رب العباد كم كنت أشتهيه اليومين هاذي لما عرفت طريقة أكله بأن ينسلق لمدة ساعة ونص والأفضل ساعتين وتحط عليه خل وزيت زيتون ورق ريحان ناشف ونعناع ناشف ورشة ملح وليمون والروزميري (إكليل الجبل) سيبه يومين أو كله سيييدة ورحت بيت سِتّي (جدتي) وزهمت الشغالة أسلقيه ساعة ونص إلى ساعتين :f:fولا تنسي قبل أي شي (شيلي راسة وأرميها ) أبغى الرجول وبسسسسسس والتنك (المتخلفة) حطته كامل على النار ساعتين وأنعدم ولو رجع الأخطبوط للحياة كان قاللي يحمزة كان خليتني في البحر أصرفلك على العموم هذا الأخطبوط في صحن جدتي الأثري (الصحن الأثري والصحن الأثري) والناس إللي تاكل في صحون حيعرفوها ههههههههههههههه أكلت فيه يوم كنت رابعة إبتدائي وأنا الآن أب يالطيف صور الأخطبوط على الصحن الأثري وكما ترون ساعتين يُطبخ على الحبر إلين صار أسود بدال مايكون أبيض ورميته الزبالة مع الأسف عشان كدة لما تصيد شي أطبخه إنت وكمل جهدك فيما رزقك به ربك راح تعجبك الأكلة حتى لو أنحرقت عليك ولا أنتعدمت تتبيلتها وهذه صورة الأخطبوط المسكين http://www3.0zz0.com/2010/07/20/09/987362893.jpg ويافرحة ماتمت :(:( |
| الساعة الآن 02:41 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir