إستفسار ......... غريب هل مرت عليك مثل هذه التجربة
 

هل صارت معاك ........؟

لما تبغى تطلع تصيد وتعد العدة كأنك رايح غزوة
وأول رمية تجيبلك الإحباط إلى نهاية اليوم لو ماطلعت بسمكة صغر من أصباعك
ولكن سبحان الله
لما تطلع مع الأهل (العائلة أو المدام) ويقول واحد منهم , إيش رأيك تنزل السنارة
ولما تنزلها عشان يسكتو وتسيب السنارة..... بومباااا تطلعلك السمكة إللي تملي العين وتشيلها وترميها لأنك منت مستعد لها

هل صارلك مثل هذا الشعور .....
أنا عن نفسي كل طلعة أتحمس من الشباب وأطلع عشانهم وصيد أشياء ماأعرفها أهم شي السمكة فضية اللون والباقي عندي كله سام :d بسبب هذه النظرية رميت الهامور إللي صدته وهو من أكثر الأشياء المتندم عليها إلى يومي هذا

أذكر مرة في أبحر أسحب السنارة وفي شي ثقيل ولما طلعته طلعت مخدة (مسند) حق القهاوي وذاك اليوم كان يوم طلعت فيه متحمس وعديت له العدة وصدت مخدة

فلماذا لما ماتبغى الشي تلاقيه أمامك لا , ويبغاك تصيده
ولما تنزله مخصوص تلاقيه مسافر للسودان !!!!!!!