|
ماذا تفعل اذا نسّمت معك إحدى الكفرات وانت في البر ؟ بسم الله الرحمن الرحيم السلام عليكم ورحمة الله وبركاته واسعد الله اوقاتكم بكل خير بما أن الكثير منا يطلع للبر وربما يقضي اياما وليالي وهو في البر اتيت اليكم بهذا الموضوع الذي ستجدون فيه الفائدة باذن الله وربما قد يكون تطرق له احد من قبلي بشكل او بآخر لذلك اقدم اعتذاري له مقدما نبدأ كثيرة هي الاعطال التي تحصل معنا في السيارة ومن هذه الاعطال البنشر وابسط انواع البنشر التنسيم(نقص الهواء او خروجه بالكامل )عن طريق الابرة مع ان الاطار واللستك سليمين تخيل انها حدثت معك وانت في البر فماذا تفعل؟ لديك حلين: الاول تقوم بتعبئتها بالماطور فاذا تعذر الحل الاول يعني الماطور خربان او انك ناسيه اكيد تنتقل للحل الثاني وهو تركيب الاستبنة لكن اذا وجدت الاستبنه مبنشرة او مامعك بالاساس او انك ماقدرت تفكها بسبب الغبار والاتربة حاصة السيارات اللي استبنتها تحت فماهو الحل؟ ↓ ↓ ↓ الحل بسيط ↓ ↓ ↓ ↓ تحتاج الى لي لا يتجاوز طولة 3 أو 4 امتار مركب في طرفيه راسين كما في الصورة خله معك دايم اكيد تبي تحتاج له وان شاء الله تبي تدعي لي طيب كيف نستخدمه اول شئ نضرب مثال للتوضيح / انت حاط الهواء في الكفرات عشرين نسمت معك احدى الكفرات وبقي عندك ثلاث كفرات فيها 20 تقوم بسحب خمسة من كل كفر وتحطها بالكفر المنسم يبقى في كل كفر 15(20-5=15) يصبح بالكفر المنسم 15(5+5+5=15) اصبحت الان كل الكفرات متساوية 15 طريقة سحب الهواء نضع احد الرؤوس في الكفر المنسم والراس الثاني في الكفر السليم كما في الصورتين الان تقدر تدق سلف وتروح اما لاقرب ورشة او انك تروح لاقرب طريق ويرزقك الله بواحد معه ماطور وينفخ لك كفراتك او على الاقل تقدر تاصل مكان فيه شبكة وتكلم خوياك او ...الخ الوكاد انه احسن من مقابلتك لسيارتك وهي مبنشرة وماحولك ولاحواليك وفي الختام ان شاء الله تكون الفكرة وصلت ولكم مني اجمل وارق واصدق الامنيات بقضاء رحلات خالية من الاعطال وعامرة بذكر الله |
| الساعة الآن 07:46 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir