منتدى استراحات زايد

السلام عليكم ورحمة الله وبركاته
هذه اول مشاركه لي في هذا المنتدى الرائع وهي قصيده مهداه للاخ والصقارحمود بن محمد العريمه ولاخي العزيز وولد العم الصقار المعروف/بدربن فهد العرادي حيث غمروني بطيبهم عندما قدر الله ومات طيري ورد الثناء واجب واتمنا تنال اعجابكم
((القصيده))

الطـــــــــير احـبه وحب الــي يحبونه=وحــــب نقـــله علـــى كفــي ومـــاريبه
ولــــــي يحبـه بحـــبه لا تــلومـــونه=صـــادق ولـــو قـــــال من حبه اهذريبه
ونـكان قلــتونبي عــلــــومه وشلونه=اقـــول طيـــري حمر والخير يحريــــبه
يطلـع وراكد وتــشوف الموت بعيونه=والخرب تكفيه ضربه مـــــن مخاليــــبه
انشهــــد انه اينومــس من يهـــدونه=الـــموقعـــه مـــيتـــه والطايـــر يجــيبه
ريشته دقاقـــه تقل بالــــزيت مدهونه=نادر بــــوصفه عطـــيباتن مضــاريـــبه
تقول شـــيخ(ن) هل الطولات يتلونه=شيخ(ن) علــــى طيب ماضيتن تجاريبه
جـــاني من الي به الهقوات مضمونه=رفيقي الــــي يشوش الراس مـــن طيبه
حمود العريمه ارجال العرف ينصونه=ومــــن يفـــعل الطــيب كل الناس تدريبه
ابو احمد الي نحط الروح مـــن دونه=فيه الكرم والوفاء والخــــــير يمــــشيبه
اليا نخيته يشيل الحمــــــل بمـــتونه=على المثل مــاضـــرت يمــــناه للهيــــبه
من عقب طيري يقول الامـــر ياهونه=ابـــشربطير(ن)ياعـــــل العين ماتصيبه
وغلظ يميـــنه وقــال بلــي يحدونــه=السعر مدفــوع والــــــي يقال راضيــــبه
بالكاش اخذتـه ماقول سلمت عربونه=هديـــت(ن)لك وانا يالقـــرم مــــاليـــــبه
وبدر نبي نذكــره يلــي تعــرفـــونه=حيث ان يــمناه كــل الطــــيب تصــخيــــبه
لياعدو اهل الوفـــاء لازم يعـــدونــه=ولاقال قول(ن)وســــيع العــرف يافـــيبه
في سرعة البرق كلــم مــن تلافـونه=مـــن جــاه علمـــن يضيـق صدر موحيبه
وبشر بطير(ن)يعرف الصيد وفنونه=فعــله فصيلــه وعلــــى يـــمناه تـــدريبه
قلت العفو وانت مـثلك دوم يلقــونــه=رفيق ماجاء بـــدرب الــشك والـــريـبــــه
والطيب كايد وعليك يالقــرم ياهـونه=يصبح بكــــــفك بعـــد وقــــول يمـــسيبه
وفي مدحكم جتني الابيات موزونـــه=وحرص(ن) على قول كلمه حق ومصيبه
وتكمل قصيده عن الزلات مصـيونــه=وتطيب من طيبــــكم ويـــزيـــن ترتيبـــه
وختام قولي وجوهرته ومضمــــونه=مــن يفعـــل الطــيب كــل النــاس تدريبه

كلمات/ابوبدرالعريمه