منتدى استراحات زايد - اخوكم جديد ومحتاج مساعده تكفون.......

انا من سكان مدينة جده وظيفتي مهندس صيانه في المطار وكل شهر تقريبا انا في مدينة اقعد فيها اكثر من شهر
وراح يستمر هذه الحال تقريبا اذا الله اعطانا عمر سنين.
وكل لمن اروح مدينه انواع الضياع احيانا اخرج ماعرف كيف ارجع للبيت عارف حاجه تفشل بس ايش اسوي وانا في الله لايرويكم انواع الضياع تلاقيني ابغى مكان ماعرف اروح له اسئل لمن اطفش وماشاء الله السعوديه كبير وانا ياخواني غشيم في الطرق.
ابغى جهاز جارمن يساعدني وينقدني من المشكله الي انا فيها ومايكون غالي يعني حدي 1300 ريال بالكثير .
مميزاته:
يكون فيه تحديد المسار عشان اعرف ارجع لنقطه الي بدات منها .
مدعوم بالكامل للمملكه العربيه السعوديه والخليج (الدول العربيه الاخرى اذا موجوده خير وبركه).
يكون فيه خرائط وتحديثه يكون سهل ومافيه تعقيد اهم نقطه مابغى اروح لمكان يوديني مكان اخر اخطائه تكون بسيطه
شاشته واضحه
يكون عملي ويعيش معاي
يكون متصل مباشر بالاقمار الصناعيه مع اني ماعرفت ايش يعني
مايقعد نص ساعه عشان يوريني طريقي صح ولا غلط بالتحديث سريع يكون. اهم شي مايورطني وادفع وتروح فلوسي على الفاضي.
مره ماهتم بالملحقات حتى لو يجي الجهاز لحاله انا قابل بس اهم شي يكون معاه قاعدته.
عارف طلباتي كثيره وهل يوجد فرق بين جهاز جارمن واجهزه الجوال الي فيها gps.
افضل 780 او 1410
او غيره
الله يستر عليكم ساعدوني ترى انا مره محتاج مساعدتكم وغرقان للاخر بكره رايح لمطار الشرقيه ادعولي.