|
المعركة الكبرى الفائز قاتل فتاك الضحية كـنعد الخسران فالمعركة sniper112(صور المعركة ) بسم الله الرحمن الرحيم السلام عليكم ورحمة الله وبركاتة اشحالكم يا ربع عساكم بخير ان شاء الله يا مرحبا وسهلا وصبااح الخير للسهرانين ومساااء الخير للحلوين بخبركم شي يا جماعة اذا انت تتواعد مع واحد تروحون البحر الساعه 9 الصبح والريال مصبح عند باب البيت الساعه 6 شو اسوي له هذا والمشكله جاي سهران وجايب معاه صاحبنا ومتعبنه والله استحيت منه الله يسامحك يا بو بدر تعبت الرجال ياخي هههههههههه وااخرتها طالعين الظهر الساعه 1 يعني بعد سبع ساعات ماعليه حصل خير ويا سلام الصراحه الطلعة كانت حلوة وجميله وصيد منوع والتيار حدث ولا حرج نهر النيل يمشي ههههههه يا جماعه مالك فالطيب نصيب نزلت الظهر والعصر امس ببدأ من الاخير عاد انا عكس الناس ااخر نزلة كانت قبل المغرب ب 40 دقيقة والجو ظلام اشوي تحت والصيد مايحتاي وانا ياي بطلع مر عليه كنعد واعطيه بضربه محترمه طبعا بالروب ألن ما شاء الله ماسوا له واحد ثنين خلاه يتيبس مكانه حتى اني ماطلعته من السيخ خليته صار متشلل وكان عندي فالايد الثانية مسدس كيس 120 سم عالعموم وانا طالع لفوق بعد ماضربت الكنعد بدقيقتين ما اشوف غير انه سحبة محترمه من تحت يوم اطالع تحت ما اشوف غير شي من هالبلايا هذا قلت بسم الله شو هالمستقطع كنعد هذا بياكلونه عني هههههههههه مافكرت على طول مسكت الكيس ويييت بظربه وما اشوف الا وانه قاطع كيبل الروب الن وشايل الكنعد وياه ههههههههههههههههه وهو رايح يلف راسه يمين ويسار يقطع الكنعد وعطاني راس الكنعد وخذ الباقي وقمت ادور عالسيخ المقطوع مع الكيبل حصلته وكان عندي صيد ثان فالهوك والله خفت يرجع المستقطع ويشق المشك بعد وياخذ اللي فيه والشرده يا جماعه طلعت صدقوني كل هالموقف اللي صار في نص دقيقه من شفته لين ماشلت راس الكنعد والسيخ وطلعت وعيوني تراقب ف كل الاتجاهات وطلعت فوق وقلت الحمد لله دفع بلا بس ودكم تقولون الحين شو هذا اللي اكل الكنعد مابخبركم الحين شو هذا يوم بصيدة بخبركم لاني مقهور منه اخاف اقول اسمه ويدخل المنتدى ويعرف نفسه مطلوب لدى sniper112 للتحقيق ههههههههههههه نخلي لكم الصور يا جماعة طبعا هالصورة بعد ماطلعت مباشرة ومب عارف شو السالفة هل هو حلم ولا علم وربي سلمني لانه الكنعد كان يصب دم http://www.mekshat.com/pix/upload04/...9_dsc02729.jpg وطبعا من ضمن الصيد والحمد لله لفافية نسميها هذه اربع مرات تبطلت عني والخامسة فالمشك http://www.mekshat.com/pix/upload04/...9_dsc02731.jpg وهذا من بركات مسدس الكيس http://www.mekshat.com/pix/upload04/...9_dsc02732.jpg وقلنا بنسوي هيد شوت حق بو وليد ههههههههه http://www.mekshat.com/pix/upload04/...9_dsc02733.jpg وختامها مسك ومع السلامة يا كنعد http://www.mekshat.com/pix/upload04/...9_dsc02735.jpg وطبعا يا جماعة راس السمكة الباقي فريته فالبحر كنت بخذه ويايه بس ربيعي اصر عليه اني ما اخذه ورجع مكانه فالبحر قلت يا ريتني ماصدته هههههههههههه قدر الله وما شاء فعل بس الموضوع نفسه كان خطير يا جماعة وان حطيت موضوع عن اللي اكل الكنعد تذكروا هذا الموضوع وبالتوفيق يا جماعة والسموحه ان اطلنا عليكم الكلام وكل التوفيق ان شاء الله للجميع وتقبلو مروري يا اخواني وربي يحفظكم محدثكم sniper112 السلام عليكم ورحمة الله |
| الساعة الآن 07:25 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir