|
قـدآم وجـهـي تبتســم.. وان غبت كالسـم الذحــاح السلام عليكم ورحمة الله وبركاته وين الصديق الصادق اللي رفقته مثل القراح الى عطشت اسقاني بطيبه وصدري يشرحه يضحك حجاجه لا نصيته في مسى والا صباح ماضاق صدره والمدح يستاهله يوم امدحه اخير من صحبة وجيهٍ قمت اكافحها كفاح تركض على دربي وتمدحني من اجل المصلحه قدام وجهي تبتسم وأن غبت كالسم الذحاح اهل الحيل واهل المكر والكل فعله يفضحه ساقو مجاهيم النوايا واختفو قبل الصياح تقصر هقاويهم وجاهلهم عسى الله يصلحه المرجله صعبه وراعيها مثل طير الفلاح لو ينقفل باب المراجل قدم عينه يفتحه والجاهل اللي مايميز في الرسوب من النجاح لو تنصحه مليووون مره ما سمع من ينصحه حنا بلشنا بالدعايه في زمان الانفتاح العين من كثر الهوايل دربها ما تبرحه الطيب يجزا بالردا والكذب عند اهله مباح مات الوفا بقلوبهم والطيب محدٍ يمنحه حتى اقرب اصحابي طعن جنبي مثل طعن ا لرماح لكن يا هل العرف من قلبي تراي مسامحه همســه: الرفيق اللي ليا من غبت مايحمي قفاي اجل لاصرت حاضر مانيب في حاجته |
حتى اقرب اصحابي طعن جنبي مثل طعن ا لرماح لكن يا هل العرف من قلبي تراي مسامحه سلمت يمناك وصح ألسان الشاعر وأعتلى شانه ذوق راقي وقصايد جزلا تحياتي لشخصك أخوي الخالدي |
ارحب يا الخوي ربي يسلمك من شــر ولايحرمنا هالطله الطيبه^^ |
صح لسان شاعرهاا .. ولاهنت أخوي عـ القصيده |
صح السااانك..... |
| الساعة الآن 02:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir