|
ماتعلمنا نگون اقسى من أشباه البشر } لو تعلمنا عرفنا گيف هـالدنيا تدور .]~ ماتعلمنا نگون اقسى من ” أشباه البشر } لو تعلمنا .. عرفنا گيف هـ “ الدنيا تدور } القلوب الممگنه تنبض حسافات وقهر .. وَ القلوب المستحيله ماتعيش إلا تبور.. ليه ! هالعالم يمووت ألف مره يابشر ! يوم حسد وَ يوم بغض وَ يوم گره وَ يوم زور ليه! مانقدر نسامح من غلط ونعتذر ! ليه ! اگثرنا يجرح في بعضنا بـ گل سرور! ليه! مانسعى إلى حل النزاع المنتظر ! ليه! من أجل المصالح نشتهي \ حب الظهور « ) هي حگايتنا حگايه.. او حگايتنا قدر ... هو قدرنا هو قدرنا او تعودنا نثور ! ليه! يسبقنا الحديث ، مانفگر بـ الأمر..! نستمر بگل قسوه .. اتأزم هـ الأمور! يابني [ آدم ~ گبير الظلم و اوهامگ أمر اخلص النيه و جمل كلمتك بين الحضور باگر تغيب الليالي عن ملذات العمر وانت غارق في ظنونگ ، ماتعديت الشرور ! گف [ حواء ] لو تمده لگ يومين وشهر يمگن تگون الصديقه والا الاخت الغيور ! گلنا گنا ملامح ناس من غير الشعر أو شعر يرسم ملامح غير عن گل الحضور !! گلنا گنا ضحية حلم ظالم ماقدر ! يصدق بـ گل المعاني » حلم مايملگ شعور } !! ماتعودنا نصارح في سوالفنا ونقِدر ! نعتقد مُمگن بـ أن إللي يصارحنا يجـور ! فينا واحد گان قاسي... وفينا واحد ماشعر.... فينا من خان المآسي ... وفينا من خان الشعور .... فينا من يحلم يطير فوق اغصان الشجر وفينا من يغتال ضحگة طفل بـ احلام الطيور :! فينا من يشهق حنينه ! بيـن روحه و النظر وفينا من يعجز يقول... گلمه مابين السطور ،، فينا من يشعر بقيمة نفس اغناها الفقر !! وفينا من يدفن وجوده بين اشلاء القصور ! گم فينا ..؟ ماعرفنا .... وگم نحتاج لصور گم حنا ..؟ مافهمنا ... گم حطمنا الغرور هذا حنا ..! گل منا مافهم حگم القدر والنصيب إللي يودينا إلى درب القبور بس . . ، ،, بس . . ، ،, بس . . ، ،, لايمگن نگون اقسى من “ أشباه البشر } لوشربنا من قساها باگر ” الدنيا تدور |
السلام عليكم ورحمة الله وبركاته ~ آآآآآآآآآآآآآآآآه يا آختي كلامج عذب وع العووق طرحج مميز من الخاطر وحبيت كل كلمة فيه كل حرف فيها يعطيج شعور ثاني امممم احترت شو الاحلى فيها كل مقطع يقو الزين عندي تسلميييييين ع هالطرح الاكسبشل وتقبلي اول رد ويشرفني اكيد ان اكون صاحبته هع |
فينا واحد گان قاسي ، وفينا واحد ماشعر ، فينا من خان المآسي ، وفينا من خان الشعور تسلمين لسعة عذآب ع الطرح الطيب كلام يصف واقعنـآ ، بانتظار يديدج المميز |
آلــصراحــــه قمت الإبـداع كلمـآآآت فـي قمت الرووعه تسلمـــين غلاااايه ع الطـرح الرووعه ربــي يعطيــجـ أأأألف عااااافيه لأهنتـــي ع المجهوود الطيب ..~ :) :) |
تسلمسيييين حبووووبه ع الطرح الصراااحه ابدعتي كفيتي ووفيتي يعطيج العافيه لاخلا ولاعدم ونتريا يديدج |
| الساعة الآن 11:14 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir