|
@يبعض البشر مابوجها حيا وجها مغسول بمرق@ صبحكم الله بالخير بدون اي مقدمات ابي اقولكم هالشي الي صار قدامنا اول العام بنص شهر عشره /م قانصين انا وخوياي 3مواتر انتقصص الا يوم صاح احد خويانا ترا الرياجيل هادين برقعوطيوركم ولا ماشاء الله الطير شايخ على الحبارى وياخذ منها ريش طبعا حنه واقفين انتفرج على المهد الا يوم مرنا هاك الجيب يشيل ويحط من الرمث والمطاب وهو يصير حدر الطيروالحبارى ويطقها فشقه ويذبحها اعوذ بالله هذا شبلاه واتجمع المواتر ويوقف عليه راعي الطير ليه ترميها وهو مذهول من الي صار والله ياجماعه تدرون شرد عليه الي رمه الحباره (توكل على الله الظاهر انك ماتعرف قانون الصبيه) الصبيه القاع الي حنا قانصينها وتقاضبت الرياجيل وصرنا بينهم وابعدناهم عن بعض وراعي الطير اخذ طيره ومشى ومشينى معاه وخليناهم متجمعين بالروض متنومسيين بالحبارى امحق نوماس والمضحك اني اتفرج باليوتيوب حبارة فلان اسم الطير ويوم شفت المقطع الا الي رمو الحباره مخلين طيرمن طيورهم يعلف منها والبتصوير واحد منهم يقول ماشاء الله عزالله ماقصر شر البليه مايضحك والله المستعان |
| الساعة الآن 11:30 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir