|
معاناة مع الحرارة..والحل عند مركز حرارة..مع بالغ الشكر.. ..السلام عليكم ورحمة الله وبركاته.. مديرنا الفاضل..مشرفيننا الكرام..أخواني الأعضاء.. أسعد الله صباحكم بالخيرات ومع أولى فقراتنا ومع... آسف يالربع أحس أني شبكت الموضوع مع إذاعات الإبتدائي.. المهم مالكم في الطويلة يالربع أنا كانت عندي مشكلة في حرارة الباترول وما لقيت لها حل من ورشة لورشة ومن بنقالي لباكستاني لمصري إلى يماني وماحصلت حل طبعاً كانت الحرارة عندي أشغل الموتر بدون مكيف تاصل الربع ومع المكيف تاصل النص ومع الجور تاصل الــh.. بعدها ركبت مراوح..سيخت الأديتر..فكيت البلف..غيرت غطاء الأديتر..وزنت الديلكو.. زانت الأمور نوعاً ما..صارت الحرارة مع المكيف تحت الربع بالليل والظهر على حد الربع..بس المشكلة مع الجور على الموتر مايمديك تجلد إلا الحرارة على النصف..فكرت أشيك على راس المكينة.. وأنا ألف لف في مكشات البارح حصلت إعلان عن مركز حرارة ومكانهم بالقصيم فكرت أروح لهم بس تثاقلت المشوار لأني من أهل الخرج..قلت خلني أجرب وأتصل عليهم.. إتصلت على الرقم المعروض فرد علي صاحب الورشة وعرضت له المشكلة..فقال لي بسبب بعد المسافة بعطيك حلول وأشياء سوها قبل لاتمس المشوار..ماراح تكلف30ريال ولا المشوار للقصيم..قلت شورك وهداية الله..وأنا الي أظبط الأشياء الي قالها لي..والحمد لله كأني فاضخ جحة باردة في قلب الموتر..لاحرارة ولاأي ادنى مشاكل..طلعت جربت الموتر اليوم الساعة 1الظهر مع الأجواء الأكثر من رائعة عندنا بالخرج مع درجة حرارة مابين الــ45-50 مع تشغيل المكيفين والجور على الموتر..والحمد لله الحرارة على الشرطة الأولى يعني أقل من الربع بواجد.. المختصر المفيد للسافلة وانا ادري أني طولت عليكم..لأي مشاكل الحرارة لأي نوع من السيارات راح تلقى الحل عندهم بإذن الله..ويعلم الله أنه لاناقة لي ولاجمل من هذا الإعلان عنهم وانا لم أسمع بهذه الورشة إلا هنا في هذا المنتدى..ولكن القصد من هذا الإعلان لحل المشاكل التي تواجه بعض الأخوة من ناحية الحرارة.. برقية شكر موجهة لصاحب الورشة أبو عبدالله.. للتواصل مع صاحب الورشة::. 0544550918 |
| الساعة الآن 06:59 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir