|
شورو علي يالربع تكفون . . ابي محول كهرياء مضمون احبابي واخواني في خيمة العدد والادوات السلام عليكم ورحمة الله وبركاته اشتريت قبل شهر تقريبا محول كهرباء صيني بقوة 400 واط والحقيقة انه زوين واستخدمه بشكل يومي لتشغيل لمبات وشاحن جوال ولاب توب ولا يتعدى السحب 150 وات وفي يوم من الايام حملت عليه 250 وات وضرب المحول ولا عاد اشتغل ابيه ابيه يالطيب لا تحوسنا عمك اصقه ولا يرد تحسبت عليه شوي وتلاسنا شوي وذبيته في شنطة الموتر والحين وصلت للرياض وابي ادور على سعه محول زين ومضمون وواحد من الزملاء شار علي اشتري من برا من امريكا ولا من دول اوروبا وصاحبي معه واحد ما شاء الله تبارك الرحمن معه من ثمان سنين شاريه من امريكا يوم كان يدرس هناك وانواع الكرف ولا يقول لا الله يبيض وجهه فهل تشورون علي اشتري من هنا ولا من برا والمشكلة صاحبكم ما له زود خبرة في الشراء من النت واللي له خبرة بالشراء من الخارج وبيفزع لي اكون له شاكر وممنون تحياتي محبكم ابو سارة |
| الساعة الآن 08:52 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir