منتدى استراحات زايد - اسود اصيل ولايوصف على جير =ولا علموه اهل المزارع غثاها

هب البراد وشاقني شوفت الخير====واردم سحابه قبلتن في سماها
يالله بوسمن ينثر الما شخاتير====يسقي الفياض ويروي الخد ماها
برقه يضوي في الجبال المشاهير====يسريبه الي غادين في خلاها
وسط المزون سويف هندن بواتير====تعاقب الانوار يملك فضاها
لرعد يهز القاع هز الطوابير====صوته يدوي كالمدافع صداها
يسقي الجزيره من تبوكن مزابير====لسفل عسير ومايمره سقاها
سيلن حدور يحرر القشع تحرير====يحي النفود وخير ربي ملاها
خمسين ليلن صبه الله مجارير====يقنعبه الي واردن في ضماها
عقبه تشوف الخد ينبت مزاهير====ربله ورقروقن تزايد حلاها
وتربع الذيدان صفرن معاشير====في صيهدن لعل ربي يحماها
سيقت مجاهيمن تقافا مغاتير====وهاذي تقود الذود ربي عطاها
ثم يفرح الصقارفي هدة الطير====والكل منهم زايدن في شراها
تجهزواهل القنص للمشاوير====مع طلعة النور المبكرنداها
نركب على الي يطوي الخد بسير====جكسن جديد ولايهمك عناها
يم الشمال وطالبين المداوير====خربن يدوج والحباري شعاها
هاذي مداريجن وهاذي معابير====وهاذي هريبن مالحقنا مداها
يطرب لها القرناس لاطارت عصير====طير سبوقن ولايكوده طواها
عينه تشوف الطلع ماهمه مغير====يرقى سنود وطلعته ماثناها
بين المراتب واقفن كنه الزير====سم ذحاح ولايدور سواها
فشحة كراعه كنه الي على بير====وعينه تقادح من شرارة سطاها
اسود اصيل ولايوصف على جير====ولاعلموه اهل المزارع غثاها
معلم المقناص يومنه صغير====وسط الجبال الي يسرك لقاها
حرن ينومس لاقنصنا مذايير====يشهدله الي لحقو من وراها
من عقيها نارد دلالن مباهير ====حكرت على نارن يضوي سناها
تجمعو ربعن نشامى مناعير====ربع تسوق الطيب سلمت يداها
تمت وصلى الله على سيد الخير===محمد الي قام بامره وهداها
الشاعر / ناصر السهلي