|
ياقلب سامحني على كل زلة ياقلب سامحني على كل زلة أخطيت في حقك كثير وتماديت .... علمتني دروب الهوى والمذلة عليك ياقلبي قسيت وتجنيت ..... ياما نصحت وقلت من صد خله لاشك ماطاوعت يومك تخليت ...... واليوم دمع الحزن عيني تهله ياليتني طاوعت شورك وصديت ..... ياقلب أنا وياك نار ودله من حزنها تشرب وأنا قد تقهويت ..... اصبر على بلواك والجرح شله أدري ترى ماجت على ماتمنيت ..... أعاهدك لأهجر عنا الحب كله وانسى سنين ماضية يوم حبيت ..... وإن جا مع الأيام طاريه قله اني بعيد عنه من يوم قفيت .... هاذي بدايتنا وهذا محله ذكرى وأنا منها تعبت وتعنيت ...... ياقلب اصبر والصبر لاتمله الصبر مفتاح الفرج لو تأنيت ..... بس أنت سامحني على كل زلة ولا أنا في حقك أخطيت وأخطيت ؛؛ تحياتي لكم وليد الجسمي |
صح لساانه من كتبهاا ويااليت تكتب منقوول او تكتب اسم الشااعر تقبل مروري ويعطيك العااافيه |
السلام عليكم صح لسانك وهل للقلب بأن لايكون طوعاً وعبداً مأموراً لرغباتنا المستصنعه ووليدة لحظات سحابات الصيف التي تأتي بسرعه وتذهب بسرعه !! يقولون بأن الندم دواء لكل هذا .. وانا أقول بأن الجرح يتشافى ولكن اثاره تبقى حتى وأن اختفت .. لانه الأثار أثار العقول وليست أثار الجروح الداميه !! هذا كل ما استطيع قوله وكل ماستنتجته من خلال ماقمت بطرحه من ابيات جميله تحياتي لك الشاعر |
اقتباس:
تسلمين أختي ع المرورك |
اقتباس:
تسلم أخوي ع الكلام الطيب نورت الصفحه و يعطيك العافيه ع المرورك وردك الجميل و لا تحرمنا من ردودك الحلوه |
| الساعة الآن 06:31 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir