|
يعني أعطيك الثقة وتردها بـ (لوي) الذراع مسآء الورد لوخسرتك ماخسرت العمر.. والدنيا متاع وأدري أني لو خسرتك ماخسرت.. إلا قليل بس فكر زيــن تعرف من خسر فينا وضاع وتعرف إنك لو تلف الأرض .. وتدور بديـــل والله إن تبـــطي ولو لفيت كل البقــاع ولو تسوي وش تسوي ماأنت لاقي لي مثيل! وين تلقى مثل شخصي شخص..وطباعي طباع ووين تلقي مثل قلبي قلـــب .. أو مثلي خليــــــل. البشر واجد .. نعــم .. لكن فرق الانطباع.! يجعلك يمي تمـــــيل .. ويم غيري ماتمـــــيل.... يارفيقي .. انتبه .. واحسن إلي الاستماع.. للمواقف دور في كشف المزيف .. والأصـــيل.. وأنت ماقصرت فيني موقفك جـــداً شجاع.. طعنتك في الظهـــر كانت إثبـــــات ودليـــــــل.... بيض الله وجهك اللي ساتره تحت القناع ورايتك بيضا معاي وياعسى عمرك طويــل... يعني أعطيك الثقة وتردها {بلوي}"الذراع!! ياخـــي ماشاء الله عليك أبدعــــت في رد الجميل.. مــــدري كيـــف أشكرك!مـدري كيف أرد الصاع صـــــاع!! كنت أحسب أنك عزيــــز النفس .. تطلع لي ذليـــل... كم وأنا عييت أصدق فيك قدر المستطاع من غبائــــي كنت أسكت وأعذرك .. وأثر الحصيل!! جـــرح قلبٍ ميزته في كل يوم الاتســــاع.. ودمع عــــــين" ينهمر من ضيقــتي في كل لــيل... والله والله إني كنت أحبك حب .. وأتبعك إتباع.. كنت لجل أرضي غرورك بــــس ...أسوي المستحيل كنت أعمــى فيك .. لا.. لا .. ميت للنخــاع.. كنت مدري كيـــف لكن كنت صادق معك حيــــل... كنت أمارس في غرامي لك سياسة الانصــياع وكنت لاغـــي معك فكرة أعتـــــزل او أستقــــــيل.... اندفعت بكل مافيني .. وسوء الاندفــــــاع... يجبـــر الإنسان أحـــــــياناً.. يفكر بالرحيـــــل... صدمتي فيك إنت .. خلتني أفكر باقتناع.. إن قتل النفس راحـــــة لو أنا كنت القتيــــــل... انفجر راسي من التفكير.. وازداد الصداع كيف أنا بفتك من جروحك ودوشة "قال قــــيل" صرت سيرة في حلوق الناس.. وتالي هالضياع " انتـــــــــــحر معقــــول ! ياالله وش هذا الغليــل.. رحـــــمتك يارب لامن ضاقت امنحني وساع.. أنت حسبي في الزمان الجاير ونعـــــم الوكيــــل... لا غدى "مستقبلي والماضي" أطراف النزاع.. وصفحة الماضي ســـــواد وشئ من هذا القبيـــل... فلازم انســـى لجل أنهي بداخلي هذا الصراع.. ولازم أتقــــــوى .. عشان أحقق النصــــر الجليــل... وطالما إن الهجوم أفضل وسيلة للدفــاع... مستحيــــــل أرضخ لو أن الحمل ياربعـــي ثقيــــل... والبخيل اللي نساني واشتري فيني... وباااع... يذلــــــــف .. الله لا يـــــرده .. والله بجرحي كفيــــل... وإن سأل عني وجاكم بعد فترة انقطاع!!! علموه أني نسيتــــه بـــــس أنا ماني بخيــــــل.... طالما كان السبب في قوتي .. قــبل الوداع... بلـــــغوه أقل شئ بخالــــــص الشكـــر الجزيــــــل... |
صح لساانـــج وما شاء الله ع الابدااع الغااويه ان شاء الله الى الامام دوووووم اشكررررررررررررررفننننج ع القصيده الغاااااويه وصح السانج الشااعرة والله يعطيج العافيه ونتظر منج زوود كلمات فى قمة روعة وتقبل مرورى |
صح بدنك وتسلم أخوي عـ المرور نورت الصفحه بطلتك ^_^ |
اقتباس:
أختيار موفق يدل على طيب ذوق ناقلها أهنيك بالتوفق بهالنقل وتسلم أدينج وصح لسان قايلها وناقلها ولو بغتبس بيت عن بيت بظلم القصيده كلها رائعه وأول بيت أطربني وهويته دمتي بود |
يعني أعطيك الثقة وتردها {بلوي}"الذراع!! ياخـــي ماشاء الله عليك أبدعــــت في رد الجميل.. صح لسانك وعتلى شانك وربى لاهانك |
| الساعة الآن 01:22 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir