منتدى استراحات زايد - حباري الروياء والحبارى وبيضها (( مذخور ))

http://www.mekshat.com/vb/../pix/upl.../mk37873_2.gif
اولآ : حباري الروياء ,,

اخواني الكرام احيكم بتحية الاسلام ,,

السلام عليكم ورحمة الله وبركاتة ,,

اسعد الله اوقاتكم بكل خير.. واهلآ وسهلآ بكم مرة اخرى بموضع جديد ..ارجو إن ينال قبولكم واستحسانكم

ويشرفني ويسعدني مروركم الكريم .. ادامكم الله ذخرآ لنا ,,

هذة من ضمن رحلاتي للقنص هذا الموسم وكانت ولله الحمد رحلة جميلة وموفقة الرحلة بالطبع خميس وجمعة فقط

وكان الاتفاق لجهة معينة مساء الاربعاء وعند الوصول للموقع بتنا وقنصنا ولكن عند الظهيرة كأن الموقع لم يعجبنا وقررنا الذهاب الى جهة اخرى وبالفعل توجهنا الى الموقع المطلوب ولم نصل الا بالمساء تخبرون راع الطير يدور الحروة (عسى ان يكون خيرآ) عشينا وبتنا ليلة الجمعة وبعد صلاة الفجر ذكر واحد من الربع انة راى

رويا بانة شاف 9 حباري والرجل الله يذكرة بالخير مشهود له بالخير تقهوينا على عجل ننتظر النور ويالله ياكريم مشى صاحبنا صاحب الروياء بدري شوي الى والله الصوت ابشرو لكم بجرة خرب ماشاء الله ماشاءالله قربت اشوف الجرة الى والله اللي عندنا بسرعة يالربع ترفعت لين يكملون الربع قص ياولد بشويش الحبارى عندنا نبية يقوم درج يمين يساركل يقول تراة معي يحبري يوم اختبصت الارض كلها جراير وكلها تصف واحد يركب على الجرة والباقي يستقطعون لة شوي طلع الطير هديت يالربع الطير مرتخي ترا الحبارى اخمرت يالربع اركض مع الجرة خلة تقوم نزل الطير على راس سافي جذبتة خلونا على الوجهة تقدمنا شوي على طلع الطير هذا مطيرة وهذا مرشة طيار الله يكرمكم خلو اتقدم على النازية اللي قدام يالله حولو للنقرة شوي هذا مطبة معة معة طار هديت يالربع لكن من شفت طيارة والله اني مغصن بطني تلوا تلوي عجيب فوق الاراطى ونطح الهوا وتبخر والطير كارب عمرة لكن مهوب لة والحقيقة اني قلت كلمة الله لايواخذن حلفت إن الطير مايصيدة

قال الله وجبت والربع عين خير ياابن الحلال و12 دقيقة بارتفاع شاهق طبعآ المدة حسب ماهو مسجل بالصوت بالجوال وبالاخير يبتعد عن الطير ويطرح الطير ويخلفة الله وجهنا وحمدنا الله على ماكان و لم يتسنى لي التصوير لان النفس شانت وخوينا بشرنا بجرة جديدة

((الحبارى الثانيه))

ماهي الا دقايق الا واحد من الربع عن مهدنا حوالي 800 متر ابشرو لكم بجرة دجاجة بسم الله وجهنا ترفع اخونا اللي يبي يهد ومع الجرة اثرة مامن بعايد عن الخرب مختبصة وصايرة اثاريها مثل اثاري الكراوين ماتدري معين تبداء مشينا معة كل ماسك لة جره لين تاكدنا من اثرها الاخيروشوي الى والله اللي تطير هد صاحبنا وماشاء الله تبارك الله شوي ويعلقها الحمد الله مبروك مبروك

طبعآ الرؤيا 9 شفنا ثنتين ومامعنا الا طيرين ريحو الطيور باقي سبع الله كريم ونكمل المقناص الى المساء وتنتهي على اثنتين والحمدلله من قبل ومن بعد

وهذة بعض من الصور ارجو إن تحوز على رضاكم واستحسانكم

http://www.mekshat.com/vb/../pix/upl...3_dsc00976.jpg

http://www.mekshat.com/vb/../pix/upl...3_dsc00977.jpg

http://www.mekshat.com/vb/../pix/upl...k37873_329.jpg

http://www.mekshat.com/vb/../pix/upl...k37873_330.jpg

http://www.mekshat.com/vb/../pix/upl...k37873_331.jpg

http://www.mekshat.com/vb/../pix/upl...3_dsc00979.jpg

http://www.mekshat.com/vb/../pix/upl...3_dsc00980.jpg

http://www.mekshat.com/vb/../pix/upl...3_dsc00981.jpg

http://www.mekshat.com/vb/../pix/upl...3_dsc00982.jpg

http://www.mekshat.com/vb/../pix/upl...3_dsc00983.jpg

يتبع ...