منتدى استراحات زايد - زيت الدفرنس معه ماء

السلام عليكم ورحمة الله وبركاته

عندي زيت الدفرنس معه ماء وما أدري أغيره ولا لا فيه ناس من الربع يقولون غيره لأنه بيلعب في التروس وبتروح عليك الكارونه وفيه ناس يقولون لا تغيره إذا غيرته بتروح عليك الكارونه

طيب إذا غيرته ليش تخرب الكارونه وش السبب فيه ناس يقولون الزيت طول وهو في الموتر عشان كيذا لا تغيره لأن الدفرنس تعود على الزيت ولا يقبل زيت غيره

وفيه ناس يقولون زيت الوكاله ما تحصل مثله

والموتر فيه حنه قاهرتني تطلع إذا مشيت ميه وإذا مشيت ميه وعشرين وأكثر تخف لا كن تبقى موجوده وإذا رفعت رجلي عن الدعسه اعزكم الله تروح الحنه
والموتر الا جيت أغيره من نمره الا نمره ولا اقومه يطلع صوت طقه هل ذا الحنه والطقه من الكارونه ولا لا

وأنا احترت وضعت وأبي منكم الفزعه يا رجال واللي عنده خبره ولا تجربه لا يبخل علينا أستفيد انا ويستفيد غيري لأن الدفرنس مشاكله حلها يجهله أكثر الناس

علما بأن الموتر جيب ربع با ترول 93

والله يجزاكم خير ويغفر لكم ولوالديكم