منتدى استراحات زايد - حرمني النوووووووووم عقبااااااااااااله

السلام عليكم ورحمه الله وبركاته

يبت لكم اليوم قصيدة روووعة للشاعرة والإعلامية نهى نبيل تقول القصيدة:
هذاك المار قدامي وله نظرات قتاله ..
له سكسوكة حلوه بأقصى الوجه مرتسمه ..

حرمني النوم في ليلي .. حرمني النوم عقباله ..
يحس الشوق في صدره ذبحه وزاد في همه ..

أحب أمه .. وأحب عمه .. وأحب جده ..وأحب خاله ..
أموت بنظرة عيونه وأعشق كل حروف اسمه ..

أحب جٍده وأحب هزله ، أذوب وحالتي حاله ..
إذا يطروه قدامي .. أحس بداخلي صدمه ..

ذبحني بكثر ماشتاقه .. ذبحني بكثرة أشغاله ..
شغلني جنن قليبي .. فصلني من على الخدمه ..

ياليت أقدر أصير بيوم شي(ن) دايم قباله ..
وراه بكل مكان يروح .. شي(ن) غالي يهمه ..

ياليتني ساعة(ن) بيده .. أو أرقام(ن) بجواله ..
يطقطقني على كيفه ولا بحفظ سوى رقمه ..

أنا أدري أنه يعاني .. وأدري صعبه أحواله ..
قلبي مايطاوعني .. يبي دايم اهو يمه ..

ترى مايهمني ربعه .. وعذالي وعذاله ..
أحبه بكل جنون الحب .. والإحساس والذمه ..

صحيح أنه يكذبني وظنونه على باله ..
لكني بعلمه كيف هو دمي وأنا دمه ..

يقول أني أنا أنسى ؟! فال الله ولا فاله ..
لو بانسى أنا نفسي .. ما أنسى أبد رسمه..

ياقلبي شوف لي حل(ن) بحبه صار لي عاله ..
يا إما تجيبه لعندي .. وإلا أنا أطلُبه من أمه ..

وسلامتــكم ..

اتريا ردودكم :_21.g: