لغز خفيف والابيات لاعلاقة لها باللغز (فيض قريحة)
يبدأ اللغز من انا بنشدك

سلام الله على هاك العشيري = رفيع الذوق معدوم الخطيه
ثلاث اسنين ماشافه نظيري = بعد ماراح حي الفيصليه
رفيق شاله الوقت العسيري = وصارت عقبه الديره خليه
مكانه كل ماجيته عصيري = اقول الله يالدنيا دنيه
بعدها جبت لي لغز يسيري = على حلالة الغطو الخفيه
انا بنشدك عن ورع صغيري = وجدته وسط سوق وبان ليه
وفوق الخط راسه مستديري = وجسمه تحت به ميله شويه
طلع من بين بنتين يطيري = بنات بيتهن في نفس حيه
تفكر به وفكرك لايحيري = وحله واوجود مفكريه