استفسار عاجل : رجة في السيارة (قراند ماركيز) بعد سرعة 50كم
 

السلام عليكم ورحمة الله وبركاته ،،

أنا معي ماركيز 2003 (غرقانة في أمطار الرياض الأخيرة وهي متوقفه)
المشكلة فيه رجة في السيارة، تبدأ بعد سرعة 50 كم تقريباً تجي وتروح اذا كانت الدعسه خفيفة ، واذا زدت الدعسة تروح الرجة .

طبعاً انا غيرت 6 كويلات والبواجي كلها بناء على فحص الكمبيوتر ، والرجة مازالت موجودة .

رحت كم ورشة ، اللي يقول لي كلتشات القير ، واكثر من واحد يقول الطنجرة .

رحت لورشة ثانية قال لي هذي مشكلة من البلف بودي (مخ القير) ، المهم فكو (مخ القير) ونظفوه وغيرو الربلات حقته لأنه يقول ان الربلات متقطعه من الحرارة ، الشاهد بعد ماغيرها وغير زيت القير كامل ، لاحظت أن السيارة دعستها أثقل من أول ، وراحت الرجة بس كان فيه رجه خفيفة جدا جدا مايلاحظها الا السواق وكانت تجي عند التغيير من الثالث للرابع (يعني عند سرعة 90 كم تقريبا) ، المهم بعد سبوعين ( وقت كتابة الموضوع) بدأت الرجه تطلع واضحه وقوية من عند سرعة 90 كم (عند التغيير من الثالث للرابع)، ودعسة السيارة صارت أخف . يعني كأن المشكلة بدأت ترجع على شوي شوي ..

آمل منكم افادتي في مشكلتي ، .

جزاكم الله خير ..