منتدى استراحات زايد - شعـر لاصار خلك يستحق المسبه ............!!

مـــرحــبآآآ .، كيــفكم !!

يقول ............!!

لا صار خـلـّـك مستحق المسـبـّــة ...
سبـّــه ترى العشــاق غيرك يسبــّـــــــون !!

لا آبوه لا آبو الحب من قلب سبـّه /
لا آبو الغرام اللي يحدّك على الهـــــــــون !!

**
يا لعن أبو قلب غشيم يحـــبـــّــه /
ملعــون والقلب اللي يغـليه ملعـــــــــــون !!

**
أقول من هبـّــاك يا خبل هبـّـــــه /
الدون ما يســلك معــاهم سوى الــــــــدون !!

**
عزّ الجفا ولا هـــوان المحـــــبة /
مآخوذ من يصـــبر على الذل مغـبــــــــون !!

أظهر قواة البـأس والضعف خبـّــه /
ترى ضعيف الباس ماله طعـــم والا لــون !!

*
الرأس ما أحــد يقطــعه غير ربـّــه /
أقول عزّ النــفــس ما أقول لك هـــــــــون !!

خلـّــه يولـّــي لا يذلـّــك بحبـّـــــه /
أبعـــد وتلــقــــاهم على البعـــد يدنـــون !!

وإلا أنت لو ترقـــد وبالعين شبـّــة /
أبرك من الـلــي يجرحــونك ويســـــلـــون !!

يا جــاهل إفهـــم خذ من العلم لبـّــة /
إصــبر وتـنــســـى والعذارى بينــســـون !!

الرجل عـقــله دائماً قــبل قـــلبــــــه /
مـاهو عمــى بالقلب ومفــتـّــح عيـــــون !!

لا قدّمــوا حبـّــة تقدمت حبـّـــة /
وإن وخـّـروا وخرت والعــز مضمــــــــون !!

**
ترى غلا هالوقت هبـّـة وهبـّـة /
إغـنم هبـــوب الريــح لا تقلــب سكـــون !!

**
لا ساعدك حظـّـك تغـانم مهبـّـه /
لا تـرتهـــي يـجـيــــك يوم ويــصـــــدّون !!

**
قبل يذبـّــك ناب الأرداف ذبـّــه /
ترى حلاة الرجـــــل طـــاعن ومـــطـعون !!

**
كم عاشق خلـّـوه من غير سبـّـه /
يصفق بكــفه كف ما يــدري وشـــــلون !!

ما له جدى يا كــود دمع يكبـّــه /
عليه سيف الهــجــــر والصــد مسنــون !!

هـــذا مـن أول يـــوم لو دلّ دربــــه /
ما دشّ في دنيـــا المجــانين مجــنون !!

لـكـن تـبـــع قـلبـه وقـلبــه لعـب بـه /
واليوم يبــغى عون ما حصـّـل العــون !!

روّض فؤادك يا إبن الأجـواد وربـّـه /
البيض ما يصــلح لهــن كـود فرعـــون !!

وإلا ضعـــيف النفس دايم مسبـــّـة /
ودّك مســـاكين البشــــــر ما يحبـّـــونّّ!!

منقول ................!!