تشكـيلة صـور من بعض الطلعـآت على الكرنـــــيش
 

السلام عليكم ورحمة الله وبركاته


أخبار الجماعه عساكم بخير



لقيت نفسي فاضي وما وراي شئ قلت أسوي موضوع عن الصيد في الأيام الخوالـي :D



منطقة الصيد : الدمام




نبدأ في الصور :



الصراحه ما أعرف أسم السمكه ذي لاكن على حسب فرفرتي في النت لقيتهم يسموها "بزيمي" ولا أدري هل هي نفس السمكه ولا لاء . وطبعا صورتا ورديتها للبحر




http://imgur.com/f7hHGl.jpg







سـلس ... وطريقة صيده تزبطله اي طعم ترميه بدون بلد "طفاحـي" وأتكلم عن منطقة الدمام ولا أدري هل له طرق صيد مختلفه غير الساليه < مدري الساليه هي نفسها الشبكه < خخخخخخخخخخخخ لاحد يظحك مالي خبره هعهع


http://imgur.com/97vKm.jpg








لخمة شريره صايدها واحد شرير على السييف ولاحظو القباقب فووق بالصوره بس طعجهم الشريييييير


http://imgur.com/6Blvn.jpg







لخمه صدتها في احد الأيام .. والحقيقه هذي أول مره اصيدها . والي اعرفه عنها انها شريييره حيل وسامه جدا

على طول أول ما طلعتها قطعت الخيط بدون لا ألمسها ونزلتها في مكان آمن بين الصخور عشان التصوير ... والبحر في حالة الجزء لما يرتفع راح تقدر تطلع من هالحفره .




http://imgur.com/GyTkd.jpg





وهذي لخمه ثانيه .. شوفو عيونها يؤؤؤؤؤ ناويه شر . قطعت الخيط وخليتها تفلها لين ما يمسكها فلبيني خخخخ



http://imgur.com/BK6r6.jpg






ما أعرف اسمها . لاكن الكبير منها أسمها ضعله وهذي أول مره اصيدها , وجرب اخليها طعم بس ما طلع عليها شئ



http://imgur.com/PsaU5.jpg






جوافه اذا ما خاب ضنـي.... أول ما صدتها طب علي شاااايب يقول هذي أفضل طعم للصيد .. المهم من كلامه عرفت انه يبيها خخخخخخخخخخخ أعطيته والله يرزقه



http://imgur.com/iLZPZ.jpg






درزن زمارير + نص درزن ابو نقطه او مجوه, هذا اليوم خليته مخصص حق صيد طعم الأسماك الصراحه طفشت وانا امشور وأشتري الخثاق
وأفضل طعم للزمارير هو العجين , ما يمدين تنزل الميدار في البحر الا 5 زمارير متعلقين فيه
وتصدقون مره صدت زمرورين في ميدار واحد ....؟ الأول نشب في برطمه وأخترق البرطم .. والظانر وانا ساحب نشب في الثاني في تحت الخياشيم خخخخخخخخخخ حركات




http://imgur.com/Zackj.jpg







ما أدري وش اسمها .. لاكن أتوقع بدح ....



http://imgur.com/k6Z4W.jpg




صوره للراس


http://imgur.com/rdjjj.jpg







فسكر يا زينه بس والصراحه هذي أول مره اصيده تقريبا .. طلع معي على قباقب ... وابي استفسر هل له طعم يفظله ..؟ وأفضل طريقة لصيده ..؟


http://imgur.com/N96HG.jpg







يالبىى الشعم بس .. والصراحه يا شباب هذي أكبر سمه "تؤكل" أصيدها


http://imgur.com/RezKD.jpg



صوره ثانيه للمزيون


http://imgur.com/i8vTa.jpg






قبقب .. صايده بالنساره ... ولاحد يسألني وين يداته هذي أول مره أمسك قبقب حي وخفت يقلب علي ولا شئ ,,, وطبعا القبقب معروفه سحبته .. يمسك الطعم ويسحبه بشويش ,, انا لما حسيت سحبته عرفت انه قبقب عطيته شكه بسيطه ونشب الميدار في رجله ,,


http://imgur.com/W6hBm.jpg





وهذي حصيله الصيد في يووووم القباقب ,, طلعت معي 3 قباقب يا يتشربك الخيط عليهم ولا الميدار يمسك فيهم,,,, وترون أول واحد على اليسار باقي حي ويرااافس

http://imgur.com/i1MJ1.jpg











وهذي الصوره أهداء للجميع وخاصه راعين السييف



http://imgur.com/Wo31B.jpg