منتدى استراحات زايد - ما تلاحظون السرقة زادت الأيام ذي ))) انتبهوا ))) قصة طريفة ))و نصيحة من محب

بسم الله الرحمن الرحيم

السلام عليكم ورحمة الله وبركاته

الدخول في الموضوع بدون مقدمات

المواضيع زادت كل يوم يجي واحد يقول يالربع محفظتي سرقت والثاني يقول جوالي سرق وذا يطلب الفزعة
قلنا نمشيها مادام القضية جوالات ومحافظ وشي بسيط الآن الأمور زادت القضية صارت أكبر من كذا صارت الناس تطلب الفزعة في سيارتها قلنا نمشيها يمكن السيارات قديمة كلها تشبيك سلكين والسيارة شغاله
اما في الوقت الحالي تطوروا الحرامية صاروا مايسرقون إلا الجديد 2009 و2008
ولا وأزيدك من الشعر بيت
واحد انسرق الشاص حقه من الموديلات الأخيرة وبعد ما فقد الأمل فيه حصله في طعوس الثمامه واللي سارقه فارش الفرشه وحاط العزبه وجالس يتقهوا حرامي وقوة عين
المطلوب من السالفة ذي كلها

أن الواحد ينتبه على حلاله ولا يترك السيارة شغالة ولو لثواني لأن الحرامي مايفوت الفرصة ذي

ويحفظكم الله