منتدى استراحات زايد - مع ارتفاع حرارة السيارة هناك مشكلة اخرى ..... ارجوا المشاركة

ارجوا المشاركة من الإخوة الأعضاء وفقكم الله وقراءة ماكتبته .

السيارة شفرليت 2001 غمارة ونص 1500

قبل عمل الصيانة للسيارة كنت اشتكي من ارتفاع الحرارة مع السرعات العالية من 140 إلى 160 وإذا خففت ترجع طبيعي

· عملت صيانة كاملة وشاملة للسيارة في مركز ( عبدالرحمن الجميح ) في الصناعية القديمة بالرياض شملت: تغيير للبواجي + أسلاكها ( كل ما يخص تصفية ماكينة ) + تغيير وجه الثلاجة + تغيير طرمبة الماء + نوك سنسر + برمجيات كمبيوتر وغيرها بتكلفة عالية جدا

* قال المهندس لابد من تسييخ الاديتر اجلت التسييخ لحين عرضها على الفحص الدوري وبعد ما مسكت السرا في الفحص ارتفعت الحرارة إلى h قمت اطفي السيارة وشغلها إلى أن انتهي من فحصها
بعدما انتهيت أحس فيه شي يقطر من عند تانكي البنزين ولا أعطيته أهمية إلى أن وصلت إلى صناعية الدائري مريت على ابويمن لحل مشكلة الحرارة وتسييخ الاديتر ..... المشكلة وجدت البنزين يخرج من فوق تانكي البنزين من وجه الطرمبة وكأن فيه هوى يدفعه للخروج من التانكي فتحنا الغطا وتقول التانكي محشور بلي هوى ..... خليته عنده لتسييخ الاديتر وعرض المشكلة على الميكانيكي ..... رجعت لقيته منتهي من تسييخ الاديتر ولا سوالي شيء في مشكلة خروج البنزين ، شغلت السيارة ورحت كذا مشوار ولا طلع بنزين والأمور مشت رجعت إلى الصناعية من بكرة لشراء بعض الأغراض اللي رجعني فيها الفحص وخليت السيارة تشتغل والمكيف كذلك تقريبا ربع ساعة لقيت الحرارة h والبنزين رجع يطلع مرة ثانية رجعتها للجميح ولا ادري هو بيعرف السبب ولابيخربط علي .

ارجوا لمن يعرف مساعدتي سبب ارتفاع الحرارة مع أنها قبل عمل الصيانة ما كانت ترتفع إلى ها الدرجة الا مع السرعة وش الخطوات اللي اسويها ؟
والاهم لماذا يخرج البنزين من وجه التانكي مع ارتفاع الحرارة وهل فيه خطر أم لالالا ؟؟

أفيدوني مشكورين