منتدى استراحات زايد - الله لايهينكم ، الفزعة ياشباب

السلام عليكم :
ياشباب عندي gxr 2004 ونا ماشي يوم الخميس الساعة 2 بعد الظهر أحس الموتر يقطع تقطيع خفيف عند120 - والمشكلة اني بسافر إن شاء الله قريباً - المهم رحت العصر لكم ورشة عندنا بالخبر اللي يقول بواجي واللي يقول فلتر بنزين واللي يقول حساس من هالحساسات أخيرا قالي واحد من أهل الورش مالك إلا تمرعلى أهل الكمبيوتر قلنا بسيطة رحت لراعين الكمبيوتر واحد منهم قال مايبين معنا الخلل إلا إذا فيه لمبة مولعة ، رحت لواحد ثاني قال بالعكس الكمبيوتر يبين حتى لو ماولعت اللمبة ، المهم فحصنا عنده قال كل شئ سليم ، طيب وش المشكلة قال غير فلتر بنزين غيرنا الفلتر ولكن لازالت المشكلة تقطيع خفيف بعد المية والعشرين .
ممكن ألقى عنداخواني المكشاتيين حل لاعدمتكم .