يا هَـــلا باللـّــي له الشّوقْ يشتاق
 

يا هَـــلا باللـّــي له الشّوقْ يشتاق
والـّـذي لا غــــابْ .. القلب ضايق


شُوفنـــي تايــــه ولكْ حيل منساق
لو على هالـــدّرب مليـــــون عايق


صارْ بُعــدِك دَمْــعْ .. منْديله افْراق
والبُـــكى (ذالحـــال) ماهوب طايق


الدَّمِـــــعْ همّــال عالخـــدّ .. دفـّـاق
والكَــرَا مـــن علـْقَــم السُّهْدْ ذايــق


تهـتَ انا والشّوق مغـْرقني اغـْراق
ومركبــــي مـــا رام يصْـــمد دِقايق


الهــــوا يـا زيـــــن حــرّاق حــرّاق
والحـــزن عالـهـمّ بالحيــــل لايـــق


مــدّ لي كفـّـــك إذا الكون بي ضاق
يا غــــلا قــــدْ فــــاق كــلّ الخلايق


وانـْتشــــل همّـــن سطا دون ترياق
واطـْـــفِـــي بْشوفـك لهيب الحرايق


وامْســــح الدّمعــــه إذا جيت بعْناق
وارْأف بْخفـّـــــاق للشّــــــوف تايق


التـّــغلـّــي زادْ واسْـــألــــك لاشْفاق
ولاّ غــدا التّعْذِيب موضوع شايق؟!


لو على الاشواق لك حييييل مشتاق
خذ سويدا القلب به شوف .. وايق!


دام وصْلــك فــي سبــاتـه ولا فــاق
المــهــمّ انـّــي لمــلْقــــاك فـــايـــق


يا عسى كالشّمس واتـْعود باشْراق
ويا عسى مرْتــاح والمـــود رايــق

تسلم أخوي ع القصيده الحلوة


والله يعطيك العافية


وبانتظار يديدك

كلماتك جميلهـ



ومعانيها أجمل



فعلآ إعجبني ماطرحت




الله لا يحرمنا من هآلأبداع



نترقب المزيد منك



تحياتي


مرجوحهـ بس أخلاق

مشكوورين ع المرور و الطله الحلوه

الله عليك

من زمان ما سمعت قصيد وتقلبته هالقبول الا من الربع القراب هههه



الهــــوا يـا زيـــــن حــرّاق حــرّاق
والحـــزن عالـهـمّ بالحيــــل لايـــق


عيبني هالبيت

=)


صح لسانك