|
مقناص ايران - يناير 2010 السلام عليكم لله الحمد توفقنا في رحلة قنص كم يوم لأيران في شهر واحد ولله الحمد قنصنا بطير واحد وأطربنا الله يبارك فيه كأن معانا 10 طيور وهذا كله توفيق من الله ومالله كتب ناخذ معانا بطاريات للكاميرا على قولتهم ماعندنا بطاريه مستورده صورتين وتخلص البطاريه وهذا العشا ليله المقناص وكان عباره عن وعل صادوه وجهزوه قبل وصولنا واهم شي براااد الشاي وهذي القاع يوم نزلناها قفر ماكان وطاها احد قبلنا ودجنا فيها يمكن نص ساعه وهذي أول بشاير الخير جرتها جديده وفعلا هان تعب كم يوم قبلها من سفر وتجهيز ورحله وطياره الا طارة قدامنا ثنتين وطلب الطير هههههههههه والبال موب صوب الكاميرا وصادها ونسرناه منها شوي وقلنا اعزلوه وراه مهد ثاني ومشينا شوي بعد ماريحناه ندور الثانيه وتوفقنا بخمس طارن من بعيد وطلب الشاهين ماشالله عليه وطرد لين غط معاهن وشوي الا منزلهن وانفرد بوحده ورحنا دورنا الباقيات وطارت ثنتين خلاف وخليناها نبي الطير يرتاح عقب طرده والقاع فيها خير أول مره أطير اكثر من 12 حبارى في ساعتين بس والحمدالله المعنويات عاليه والحمدالله توفقنا وماقصر الطير الله يبارك فيه وهذي الصوره اهدا لأهل الوحش وياكبر قدرك يالوحش في عيني عقب ذاك اليوم وهي اهداء لأخواني اهل مكشات وأخص صقار قطر ونايف الخالدي والفرادى وهذي لحظات الترييش وهذي شبة الضو شي لابد منه واسمحوا لنا على الصور وان شاء الله تحوز على رضاكم تحياتي |
| الساعة الآن 12:06 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir