لي بندقن سودا لها الصيد ينقاد=السوبر اللي من خيار البواريد
القولد غير القولد ما ظنتي جاد=رزيحها يثني طلوق العباريد
عليها تعريف البلاجيك باسناد=صناعة الجوده اليا قيل توريد
بالطول الانش وراس خرطومها زاد=منهو قناها يبشر براهي الصيد
من فوق ركبتها كما المخلب زناد=وابموخر الحامي يجي قفل تجويد
العيز فيها كنه ذراع جلاد=وضرابها الجمار في عالي الغيد
بيت الفلنجه تحسبه صم الاوتاد=ما هزه طلوق الضغوط المواريد
صوتن عليها يشدي لحس رعاد=والا كما ضرب الحديد بمهابيد
تلفظ طلوق الخمس ما جاها الاجهاد=والا الثمان سواة لوح المقاميد
تودع كثير الجول بالقاع رقاد=تنثر حشوده مثل خرف العناقيد
واليا ارتفع ديك القطا فوق الانجاد=تنتف ثناديه وتعيده على البيد
بندق خلاوي ما عليها التنقاد=يشهد على المرمى بخوص الاجاويد
يا طالب الزينه ترا القولد مرفاد=وانشد قنوص الخاليات المباعيد
ما غير بسم الله واقران الاوراد=واضغط زنادن يرزق الله ويزيد
لا تلتفت عنها ترا كسبها الزاد=على الهدف مضرابها والشواريد
تطلق جبينك لامست النحم بعاد=والشهرمان برميها يدرك العيد
خذها نصيحه من تعاليم قصاد=لا تلتوي عنها بالاسواق واتحيد