منتدى استراحات زايد - تقديم فرنسا vs المكسيك ، نيجيريا vs اليونان ، الارجتين vs كوريا الجنوبيه

السلام عليكم ..

اشلونكم عساكم بخير ؟ .. اليوم نبي نقدم لكم مباريات فيها احد احلى المنتخبات بكأس العالم
واللي اكيد راح يبدع بكأس العالم بس عطوه جوه شويتين .. المهم نبدى بالمباراه الاولى :

http://i48.tinypic.com/dpe2pk.png

مباراه قويه .. مستوى الارجتين غير مقنع بمباراه الاولى .. والكوريين ابدعو جداً بمباراتهم الاولى التوقعات تشير ان هالمنتخبين هم اللي بياخذون المركز الاول والثاني .. يعني نقدر نقول انها مباراه تحديد المركز الاول .. وايضا الارجتينيين ما راح يرضون يقدمون مستويات عاديه وهم يملكون سكواد خرافي وبيحاولون يقنعون الجميع انهم قادمون وراح يحققون كاس العالم هالسنه وبإمتاع .. هالشي راح نعرفه بمبارياتهم ان شاء الله ..

نبدى بالمنتخب الافضل الارجتين

http://i50.tinypic.com/246v1xd.png

منتخب تقريبا متكامل .. عنده عناصر خرافيه وقادره على تحقيق هاللقب بالريوس .. مجرد ما نقول لك ان ( ميلتو ) صاحب الثلاثيه الشهيره مع الانتر والسبب الرئيسي لتحقيقها جالس احتياط !! http://vb.vip600.com/images/icons/icon10.gif .. راح تعرف اننا نتكلم عن منتخب عظيم وعنده لاعبين يقدمون مستويات رائعه مع انديتهم .. ويكفي وجود افضل لاعب بالعالم معه .. منتخب الارجتين هالسنه ما عنده اي عذر لعدم تحقيق اللقب ولو ما حققوها هالسنه ما اعتقد انهم بيحققون كاس عالم قريب .. كل المعطيات معهم والضغوظ هالمره ماهي شديده عليهم لانهم موب المرشح الاول .. بس بهاللاعبين قادرين يحققون هاللقب وهذا اللي ما اتمناه طبعا http://vb.vip600.com/images/icons/icon11.gif

المتوقع ان الارجتين راح تضغظ وبشكل كبير على كوريا وبتحاول تسجل هدف باول المباراه عشان تبعد يرتاحون لان كل دقيقه تمر بدون هدف لهم .. راح يقرب المباراه اكثر للخصم لان كوريا تبغى التعادل وبتقول اللهم لك الحمد .. اخر مباراه لهم كان تنقصهم اللمسه الاخيره .. واكيد مارادونا لاحظ هالمشكله وبيحاول يحلها واغلب الظن انه راح يقدر يحلها .. كل الدعوه تحفيز للاعبين من الجانب النفسي وبتتسهل امورهم وشخصيا متوقع فوز الارجتين .. الا لو انهم ما كانو في يومهم ..

http://i47.tinypic.com/312jmzt.png

تقريبا هذول ابرز اللاعبين او بمعنى اصح مفاتيح اللعب .. الكوره تبدى عند ماسكيرانو وتوصل لفيرون وميسي يحسمها اسماء كبيره وتقريبا فيرون وماسكي هذا اخر كاس عالم لهم لازم يقاتلون في كل المباريات الله يوفقهم ويبعدهم عن فرنسا بس http://vb.vip600.com/images/icons/icon10.gif

http://i49.tinypic.com/bds87k.png

لاعب عظيم بس مدرب عادي .. يشتغل على الجانب النفسي اكثر شي .. ويحمس اللاعبين ويهيضهم وهذا المهم بالفتره الحاليه اهم شي تحسس اللاعب انه يقدر يسجل عشرين هدف ويقدر يسحب الفريق كله وتشغل له مقاطع لابرز مهاراته وتخليه وبعدها تفتح له الباب وسبرنت على الملعب بتشوفه يقدم اداء بطل خخخخخ .. عموما ماردونا هو نقطه ضعف الارجتين http://vb.vip600.com/images/icons/icon10.gif

- - - - -

http://i46.tinypic.com/xpv3ud.png

على الجانب الاخر .. المنتخب الاسيوي المبدع بالمونديال .. بالمباراه الاولى قدمو مستوى اكثر من رائع وقدرو يتخطون اليونان بهدفين مع المستوى المميز .. عندهم لاعبين كثار محترفين في انديه اوربيه كبيره .. قادرين يوصلون بعيد وعندهم الرغبه في تكرار انجاز 2002 .. صعبه شوي عليهم بس ما فيه شي مستحيل في عالم كره القدم .. والكوريين احسن ما فيهم هو التطور الدائم كل سنه عن سنه يقدمون مستويات افضل ودك لو منتخبنا يتعلم منهم شوي ..

لو قدرو يقفلون صح ويلعبون على المرتدات اتوقع بيقدرون يحصلون الثلاث نقاط .. ولو انها بعيده عن خشمهم .. بس هذا التكتيك المتوقع من مدربهم خصوصا وان عندك بارك .. لاعب سريع ويقدر يستغل اي هجمه مرتده وايضا رقم 10 بطل وراعي فاولات .. يعني موب مستحيل فوز كوريا خصوصا في ظل هالمفاجئات اللي قاعده تصير في كاس العالم هذا ..

http://i46.tinypic.com/rku7ep.png

مفاتيح اللعب للمنتخب الكوري .. لو هالاثنين مركزين راح يقدم منتخبهم كلام كبير .. اتوقع ان دفاع الارجتين راح يعاني معهم وبقوه .. لانهم سريعين وبثرين ولا يتعبون وهالنوعيه من اللاعبين يحتاجونها المنتخبات الصغيره وبقوه .. اي غلطه من دفاع الارجتين وبتروح عليهم متفائل في هالاثنين وان شاء الله يسونها وياكلون عيال ماردونا ..

http://i49.tinypic.com/2whl0f4.png

مدرب واثق من نفسه شخصيته قويه صارم .. عنده مخ تدريبي رهيب وحماس كبير ومطلوب منه الانتصار بدون اي استهتار < جازت له الشغله خخخخ .. عموما هالمدرب يعتبر افضل من ماردونا في عالم التدريب وبنشوف وش بيسوي ..

http://i49.tinypic.com/m7ga44.png

لمين الغلبه !!