تقرير (شريط كاس العالم )
 

السلام عليكم كيفكم شباب:hey:+أقلاع سوفت ........ اليوم جايب معلومات عن شريط كاس العالم:2thumpsUp
http://www.ceghk.com/store/catalog/i...x360_cover.jpg

نزلت لعبة الفيفا حقت كأس العالم 2010 على الإكس بوكس 360 + البلاي ستيشن 3 + البي إس بي "البلاي ستيشن الصغير" + الـ وي.

طبعاً الـ EA ما أعلنو إلا عن أشياء قليله عن اللعبة "المفآجأة" أول سؤآل بيجي على بال أي شخص هو:

هل تستاهل اللعبة إني أشتريها وأنا عندي فيفا 2010؟

طبعاً غير الرسم الي بيكون أفضل أكيد بتكون اللعبة أكثر واقعية "على كلامهم" والجماهير بيكون معاهم كاميرات تصوير "فلاشات"
الجماهير يبكون معهم لافتات بأعلام الدول المشاركة , ولقطات قريبة من الجمهور http://vb.eqla3.com/images/smilies/n/sm5.gif
يعني لو فزت بتشوف الجماهير ترقص ولو إنهزمت بتشوفهم يبكون :wow2:
فيه كرنفالات إحتفالية وأشرطة ملونه تطيح بالملعب + مقاعد المشجعين فُل مافيه أماكن فاضية لأنه كأس العالم
إضغط هنا

لاعبين جدد ومدربين جدد , بتشوف كابيلو مدرب إنجلترا وبيتر كرواتش ماراح يكون شكله أحمق كحرف الألف بالملعب
* * * * *

الرسم والأجواء خارج المستطيل الأخضر ماراح تهم بنتكلم عن طور اللعب الحين http://vb.eqla3.com/images/smilies/n/sm5.gif

أول مرة بتاريخ اللعبة بتكون اللعبة كاملة على شبكة اللايف ماراح تلعب مباريات كأس العالم قدام الكمبيوتر لأنك بتلعبها مع ناس حقيقيين

وبتبدأ اللعبة من الدور الأول "أول كانت اللعبة باللايف تبدأ من دور الـ16 "خروج المغلوب" لكن الحين من بدري وتقدر تشوف نتايج فرق المجموعة الثانية عشان تشوف وضعك وشو للتأهل.

يعني كأن فيه ناس بالمباريات الثانية يعلمونك عن النتايج برى http://vb.eqla3.com/images/smilies/biggrin.gif وكلهم يلعبون بنفس الوقت يعني 6 أو 7 ساعات باليوم http://vb.eqla3.com/images/smilies/019.gif

اللعبة مربوطة بـ صراع الأمم يعني , والـ EA راح تعرف وشو الفريق الأكثر فوز , يعني الفريق الي يآخذونه الناس ويفوزون فيه.
يعني مثل كأس أوروبا 2008 فرنسا أخذت المركز الأول عند الـEA كأكثر فريق يآخذونه الناس ويفوزون فيه.

طبعاً بتحصل على نقاط أكثر إذا فزت بفريق ضعيف "السعودية مثلاً".

* * * * *

آخر أخبار الشركة تقول إن اللعبة فيها 199 منتخب بس http://vb.eqla3.com/images/smilies/biggrin.gif
طبعاً اللعبة المفروض تكون خاصة بالمنتخبات ولا فيها أي نادي

طبعاً الـ 199 منتخب هذي هي المنتخبات الي شاركت بالتصفيات حقت كأس العالم , يعني جميع المنتخبات العربية فيه.

إذا كنت تلعب بدون اللايف تقدر تدخل تصفيات كأس العالم وتختار أي فريق , الـEA الحين يحاولون يجمعون أكبر قدر ممكن من المعلومات عن الفرق عشان عشاق اللعبة يستمتعون ويحسون إنها حقيقية

* * * * *

كل شيء تمام الحين
بالنسبة لطور اللعب ماراح تصير مثل الفيفا لأنها بتكون طريقة لعب كأس العالم , طبعاً إذا كنت من لاعبي فيفا أكيد راح تلاحظ الفرق بطريقة اللعب.

المبرمجين أول ماخلصو من الفيفا 10 إشتغلو على تطوير لعبة كأس العالم بمساعدة بعض اللاعبين باللعبة , خصوصاً لاعبي بطولة كأس العالم للبلاي ستيشن.

بعض خصائص اللعبة الجديدة:

حارس المرمى , الحين حارس المرمى مايتقدم ويخربها :bravo2: هذي كأس عالم تلعب على جزئيآت بسيطة
يعني مافيه أهداف لووووب
أضافو بعض الطرق الخاصة بتشتيت الكورة يعني الحارس يضرب الكورة بوقس عشان تطلع برى منطقة الـ16 عشان يبعد الخطر عن المرمى.
وأيضاً إذا إنحرفت الكورة الحارس يقدر يتعامل مع الكورة ببراعة.

الذكاء الإصطناعي لفريق الكمبيوتر , أضافو بعض حركات المراوغة للاعبي الكمبيوتر , والكمبيوتر الحين إذا لعبت معه تلقاه إذا تقدم بالنتيجة يلعب دفاع ويعتمد بعد الله على الهجمات المرتدة :oOoOo:
وأيضاً إذا كان مثلاً منتخب البرازيل متقدم بالنتيجة تلقى دونجا يطبب لك خوان مثلاً وإذا كانت البرازيل متأخرة بالنتيجة تلقى المدرب يطبب الإكسندر باتو http://vb.eqla3.com/images/smilies/biggrin.gif
يعني مستحيل الكمبيوتر يثبت على تبديلات مكررة أو معروفة مسبقاً.

الريسبونس أو الإستجابة , الحين إذا وصلت الكورة للاعبك وإستقبلها على الصدر مو شرط الكورة تنزل تحت لأن اللاعب الحين إذا لفيته يقدر يلفها بصدرة مثل حركات ميسي
أيضاً تقدر تخلي الكورة تسقط من فوق كتف اللاعب عشان التموية على المدافعين والإنفراد بالحارس.
الحين إنت بكأس عالم والفريق يعرف قيمة كل جزء من الثانية بالمباراة والمدافع حقك ماراح يثبت الكورة بصدرة لأنه بيشتتها على طوووول بمجرد ماتضغط زر الشوت.
وإذا تمت إعاقة اللاعب بدون خطأ مايقعد يتبطح http://vb.eqla3.com/images/smilies/biggrin.gif لأنه بيقوم يلحق الكورة على طوووول :hawageb:


تمركز اللاعبين , الحين لاعبي فريقك بيصيرون بأماكن أفضل ومساحات أكبر لهم إذا جيت ترفع أو تمرر من الأجنحة وهذا بيخلي اللعبة أكثر قتالية.
وطريقة المراقبة الحين صارت أفضل من المدافعين خصوصاً بالإلتحامات المباشرة عشان ماينفردون المهاجمين بالحراس بسهولة.

التسديد , الحين صارت التسديدات أكثر واقعية حسب موقع اللاعب ومكان التسديدة , وطريقة اللوب صار أكثر صعوبة لا بالنسبة لقوة الرمية ولا توقيتها.

الباصات , الحين التمريرات داخل منطقة الـ16 صارت أكثر دقة + تمريرات بالصدر والكتف.


* * * * *

أهم الإضافات باللعبة هي طريقة لعب المنتخبات , يعني لما تلعب مع فريق ضعيف بملعبك تلقمة بسهولة , لكن إذا لعبت بملعبه يتغير لعبة ويصير نشبة http://vb.eqla3.com/images/smilies/biggrin.gif
وهذا الي يخلي التصفيات التأهيلية أكثر واقعية وصعوبة وحماس

ومانسو بعد حالة الطقس , يعني لو أخذت الأرجنتين مثلاً ولعبت مع بوليفيا بتلقى مستوى اللاعبين منحدر بشكل رهيب وهذا صار فعلاً يوم بوليفيا تلقم الأرجنتين 6 لأنهم لعبو بملعب فوق سطح البحر بـ4 مادري 6 كيلو


وهذي مانسوها حقين الـEA وطبقوها باللعبة الجديدة

هذي مو كل الإضافات هذي بس الي أعلنو عنها ومن الحين إلى شهر أبريل الله يلحقنا على خير وطبعاً لا ننسى إننا بشبكة اللايف مانخسر أبداً http://vb.eqla3.com/images/smilies/biggrin.gif لأنه في حالة أي تغيير أو إضافات جديدة راح نحملها عن طريق الشبكة بأي وقت

إن شاء الله التقرير البسيط يكون وافي ويجيب عن جميع التسآؤلات وإن شاء الله أي إعلان أو صور جديدة راح أضيفها بهذا المووضوع

دمتم بود وبالتوفيق للأرجنتين بكأس العالم