|
أبيكم تفسرون لي حلمي ؟؟ وايد مهم الموضوع بالنسبة لي .. بسم الله الرحمن الرحيم السلام عليكم ورحمة الله و بركاته هلا جماعة .. شخباركم ؟؟ إنشاء الله كلكم بخير و سهالة حد يفسر لي ها الحلم ؟؟ أنا حلمت إن أنا و إختي خطبونا إخوان ، بالحلم إختي يوم يات تخبرني أنا انصدمت و استغربت (( لأن إلي خاطبني بالحلم بالصدق هو أخو ربيعتي و يحبني و مكلم إخته عشاني و هيه كلمتني قبل و أنا مترددة يعني ما أعرف أوافق ولا لا خاصة إنه مب وقتها بس هو ريال و النعم فيهم بس أنا أبا واحد ثاني و أترياه من جيه رفضته و إخته تعرف بس ما خبرته بس قالت له إني رفضت لأني مخطوبة و سكتنا عن السالفة و من جريب هو سأل إخته مرة ثانية و قال لها سإليها تباني ولا لا و إخته يات و سألتني و أنا للحين متردده فقالت لي إخته قولي إذا موافقة و إذا ما موافقة خلي الريال يتسهل بدربه أنا يوم قالت لي ها الكلمة حز في خاطري كأنها تقول لي خلاص لا تخليه يتعلق فيج أكثر و قلت لها قوليله يتسهل بدربه بس أنا للحين أفكر بالموضوع و محتاره و بنفس الوقت أحاول أنسى الموضوع و أطنش خاصة لأن ألحين وقت امتحانات و مب وقته )) المهم بكمل لكم سالفة الحلم أنا ما استغربت بالحلم لأنه ها خطبني بس استغربت كيف أخوه بعد خطب إختي لأن (( هو بالصدق إلي أعرفه من ربيعتي إن ها الولد يدورون له عروس )) بس أونه بالحلم كنت مستغربة كيف اختاروا إختي لأني ربيعتي ولا مرة طرت لي السالفة ، بس ما أذكر وايد أشياء من الحلم بس أذكر أبوي يوم كان يخبرنا يقولي أنا ما بغصبج ع شي و إنتي براحتج (( بالصدق أبو ها الولدين بعد ربيع أبوي وايد يروح وياه )) و كنت محتارة و أفكر و بعد أذكر إني بالحلم كنت أقول حق إختي ها شو رايج بناخذ إخوان بس إختي كان مبين عليها الوناسة و أنا كنت عادي بس محتارة و ما أعرف و كنت حتى بالحلم أتذكر هاذاك إلي أنا أباه و أقول بخاطري أوافق على ها و لا أتريا هاذاك . و بس ها إلي أذكرة .. إلي يعرف شي عن تفسير الأحلام يحاول يفسره لي ... ما أعرف بس أنا صدق مهتمة بالموضوع .. و ادعولي علي امتحانات إنشاء الله أيييب نسبة ترفع الراس :GIF_13.gif: :GIF_13.gif:و الله يوفق الجميع و و الكل إنشاء الله اييب نسب و معدلات عالية .. آمييييييييييييين .. :GIF_13.gif: |
هـــلا اختـي .. بصراحـهـ لا تخلين اي حد يفسر لج الحلم الا المفسرين طبعـا.. وانا ما اروم افتـي .. اتصلي في اوقاف دبي وقولي انج تبين رقم مفتي ولا شي وبيعطونجـ .. وخليهم يفتون لج الحلمـ .. وقولي خير ان شا الله .. ^^ |
هيئة الآوقآف اظني عندهم آرقآم شيوخ .. واممم او تقدرين تتصلين في برنامج في دبي لتفسير الاحلام .. الله ييسر لج امورج اختيه .. واسمحيلنآ ع القصوور .. :) |
مشكورين ع الرودود و ماقصرتوا بس أنا ما فيني ع العبالة أحس صح الموضوع مهم بالنسبة لي بس انا ما اروم اسوي كل ها صعبة شوي فقلت بنزل موضوع و يمكن حد يعرف يفسر أو يعرف حد يعرف و يسأله بس عموما مشكورين ع الرد و ما قصرتوا .. |
طرح عسى ان يكون فيه الخير يااختييي محجر الأعيان وانا اتوقع ولاافسر سوف تتزوجين وتتزوج اختك ويكون اول مولود لأختك يشابهك ومولودك يشابه اختك وسوف تستغربين والله اعلم ....والسموحه. ويعطيك العافيه . وفي انتظار الجديد من المجهود الرائع وفي امان الله وحفظه . وقبول مروري http://www.uaemusics.com/uploood/ima...0ub4ixbq7h.jpg ولــدتــك أمــك يــا بن آدم بـاكـــيا --- و النــاس حــولك يضحــكون سرورا فاحرص على عمل تكون إذا بكـوا--- فـى يــوم مــوتـك ضــاحكـا مسرورا & الودعاني عاشق الريان & http://www.uaemusics.com/uploood/ima...m6dr2zencg.gif |
| الساعة الآن 02:02 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir