منتدى استراحات زايد - مشكلة ما لها حل(باترول4500)موديل2006

السلام عليكم ورحمة الله وبركاته
أسعد الله مساء/صباح الجميع بكل خير
أنا يا جماعة الخير عندي باترول 2006مكينة4500 كان فيما مضى يرفع الراس والحين والله ما عندك أحد,عزمه طايح ويالله يمشي وأي سيارة تقوم وتروح عليه ,حتى على الخط كان يمشي فوق الـ180والحين يالله الـ160 إلى165 والمشكلة إللي فيه ،إنه مكتوم ويقطَع إذا مشى.
علماً ياجماعة الخير إني ماخليت ورشة إلَا ورحت عندها وما عرفوا المشكلة نهائياً إلا واحد يقول احتمال إنه يكون حساس الهواء,حتى الوكالة والله ما عرفوا ايش المشكلة ويقولون ما فيه شي,والله إنها عافته الخاطر وإني ناوي على بيعه إذا ما لقيت له حل.
تكفون ياجماعة الخير إللي عنده حل لذي المشكلة لا يبخل عليَ أو على الأقل دلوني على ورشة حلوه مختصة في النيسان,وتذكروا أنتوا أملي الوحيد بعد الله في حل ذي المشكلة.
وتقبلوا تحياتي