قـصه مقناصـي والعائله الكرديـه .. مع ( الصور من نفس المقناص )
 

السلام عليكم ورحمه الله وبركـاته

ملاحظه : الصور من نفس المقناص ..


http://store2.up-00.com/Jun10/ny693332.png


سنه 1989 ... كنا في رحله صيد الى سوريا .. كنا سيارتين وانيت دبل وجيب تيوتا لاند كروزر. .
وكنا في وقت الربيع شهر 2 وكان معانا رخصه للصيد والبنادق وطبعا معنا طيور ..
المهم وصلنا سوريا بالسلامه بفضل الله وجلسنا في دمشق ليلتين لان الجو كان فيه امطار قنصنا وكان الصيد وفير بفضل الله
قطى ودحاريج .. وحصلنا حبرو ولكنه كان سريع جدا والارض وعر.. ايام ممتعه


http://store2.up-00.com/Jun10/G7993626.png

المهم قالوا الشباب نبي الجزيره يم الحرث وهي اماكن يحرثونها للحنطه من قبل الحكومه وفيها صيد كثير


http://store2.up-00.com/Jun10/ElD93844.png


فذهبنا صباحا ووصلنا حوالي العصر جاء الليل قبل العشاء قالوا الشباب نبي نقنص ارنب وركبوا ثنين من الربع في الوانيت فوق ومعهم الدليله
وانا أسوق الوانيت يا اخوان عقب ما حركنا من الخيمه سبحان الله اقل من خمسه كيلو .. وتفجرت الغيوم بأمطار عجيبه قويه جدا
والارض إللي حنا فيها صبخ وحروث ونعرف إذا غرزنا ما راح نطلع لين تنشف الارض ركبوا الثلاثه عندي داخل الموتر احاول أمشي الموتر بالدبل
ولكن بدون فايده كأني أمشي على ثلج يتزحلق يمين وشمال يعني مثل ..((التفحيط )).. فعلا تضايقنا من الموقف
مره يغرز ونطلعه ومره يمشي والمطر قوي جدا وحنا مضيعين ...
المهم غرزنا ..الله لا يوريكم يا اخواني الطين حوالي البيبان نزلنا من الوانيت وفجأه انحاش الدليله وخلانا في ورطه ..!!
لا نعرف الشمال من الجنوب والموتر مغرز .. وأكل مافييييي ..!!
يا كبرها من مشكله ..

المهم جاء الليل ونمنا بالسياره والمطر لم يتوقف .. وأنت ما تقدر تنزل من السياره لان الطين يوصل لين الركب وذبحنا الجوع
ودورنا بين اللاغراض واذكر لقينا ككاو

8
8
8


http://store2.up-00.com/Jun10/C6J93701.jpg


كتكاااات :D وكليناه .. وأمسانا الليل ونمنا بالسياره وقعدنا نحاول نطلع السياره من بكره لكن بدون فايده ...
المهم يو جا العصر .. ركبت لي على ظهره قريبه وشفت من بعيد كأنه بيت شعر .. ولكن صعب الوصول إليه من الطين
وكنت يا جماعه جوعان يعني بطني لازق بظهري من الجوع
نمنا من الليله الثانيه وكان برد قارس أكيد بتقولون أحطبوا ليش ما حطبتوا .؟؟ لكن الارض مافيها شجر صبــــــخ ..
يوم جا الصبح قلت يالله يا جماعه نبي نروح بيت الشعر وكان يبعد حوالي 3 كيلو .. وطبعا ليس قليل
قالوا نبي نحفر الموتر لين نطلعه قلت مافينا حيل يا جماعه خلونا نروح ويمكن عندهم طريقه يطلعونا ..المهم ما وآفقوا ..
قالوا ما نقدر نخلي الموتر حاولت هم رفضوا .. قالوا أنت روح حاول تجيب لنا أكل وإذا عندهم شيء يطلعون الموتر فيه جيبه ..
قلت يا جمـاعه اللحين الضحى .. والارض كلها طين وأرجع في الليل مشكله أتعب .. قال مسموح حتى لو تنام عندهم الليله ..

يتبـع .. الجزء الثـاني من القصه ..