منتدى استراحات زايد - حداق طاروف ليلة الخميس من بندر الدمام وياحول اللي ماله طاروف.

احلى واعذب تحيه لاخواني اعضاء ومشرفين هذا المنتدى الحبيب , احب ان اطلعكم عن رحلتنا الخفيفه والرايقه يوم الاربعاء 20/6/1431هـ ابتدت من الساعه10 مساءا اللى رتبها لنا الجو الرااايق والصحبه الحلوه .
العدد/ 4 اشخاص بقيادة النوخذه بوصالح
حالة الجو / صننننننن ولا نسمه
القارب / معروف لديكم احم احم ( طاروف )
المكان / لا لا هذا سر اول اشوف الردود وابشرو بالوصف والاحداثيه .
طريقة الحداق / سماري .... ما يبيله .... قووووووع .
طبعا صار تحدي ومنافسه في اول ساعه وبعدها هههههاي يقولك خويك بكل ادب لو سمحت ميدار من يمك والا بلد او اي شي يطلبه قريب منك ... وانت طبعا كنك متخرج من معهد التربيه الفكرية ما تسمع شي ولاتشوف شي لانك مشغول مع الجماهير الكاتلونيه المائيه تحس انك بالكلاسيكو . مالكم بالطويله وفوتو لنا الكم صاروخ الارضي اللي مرو .
نبدا بالصور .

http://www.mekshat.com/pix/upload04/...4 (medium).jpg

طبعا اصر اخونا بوحمد اني اخذ زاويه للحصيله مع الموتر الجدييييييييد .

وهذي صور النوخذه (بوصالح) متحمس للفسكر مع الاخ بوحمد لله درك يابوحمد هذا اذا بغيت تحدق معاه احسن لك تجيب معاك حسابة الصلاه عشان تعد اللى يشخطه ( حظظظظظظظظ ) ماشاء الله .عنده لياقه ... حلوه لياقه بما ان احنا طرينا الكلاسيكو .

http://www.mekshat.com/pix/upload04/...0 (medium).jpg

http://www.mekshat.com/pix/upload04/...9 (medium).jpg

http://www.mekshat.com/pix/upload04/...1 (medium).jpg

وهذا اخينا بالله قاعد يكتب المسوده للتقرير اللي انا اكتبه لكم الحين براس القد (البراكودا) على قولته قلم باركر ,الاخوان فالينها .

http://www.mekshat.com/pix/upload04/...6 (medium).jpg

طبعا حاولنا ان ناخذ صوره لاخونا معد التقرير لحاله لكن النوخذه بوصالح مترصد له

http://www.mekshat.com/pix/upload04/...97396_lood.jpg

http://www.mekshat.com/pix/upload04/...97396_kook.jpg

وبعد الترجي وحب الخشووووم يالله خلصنا على هذي

http://www.mekshat.com/pix/upload04/...97396_nood.jpg

طبعا الحصيله مشكله من خيرات ربي ( فسكر وشعري ونيسر و قد والنيسر ماشاء الله حجم عائلي بس للاسف مافي صوره له لحاله.

اتمنى التقرير يعجبكم واعذرونا على الكم صاروخ في البدايه ( بهارات )... ما تبون سواليف ؟ . لكم مني احلى تحية .