ஜஜ » أمزح وياك ^_^ « ஜஜ
 

..... السلام عليكم.....



ما رأيك فيمن : يشتمك ,,, يسخر منك ,,, ويجرحك ,,, ثم يقول" هههه امزح معك "؟؟!!

لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول
من يصادقه ... لكن هل كل ضحك مباح وكل مرح فى محله؟؟
اذا جاك شخص يضحك على فلان وفلان
ما خلا شي عنه
بس عشان يضحك ولا عليه من هذا الشخص
ولكن اذا إغتاض الشخص


رد عليييه وقال:::::::::



( افا عليك انا امزح انت زعلت؟؟؟؟؟؟ )

:walla:

هنا السؤال؟

1\ ماهي حدود المزح بين البعض؟

2\ يعني لازم في كل وقت نستخف بدمنا؟؟

3\ ما نصيحتك لمن يمزح ليصل لجرح مشاعر غيره بإسلوبه الساخر الذى يصل لحد عدم اللياقة والبغض ؟؟

4\ ما نصيحتك لمن يتقبل هذة الطريقة فى المزاح ؟؟

5\ ما رايكم بهؤلاء الأشخاص الذين يمزحون في كل الأوقات
وحتى التي تتطلب الجد ومنهم هؤلاء
الذين يجرحون ويشتمون ثم وبكل وقاحة يوجهون لك هذه العبارة
( امزح وياك ) ..!!


6\ هل يدخل المزاح في الشتم والتجريح ؟!!

هذي المواقف كثير منتشره عندنا وحبيييت اعرف رايكم.?

همسه :تذكر قول النبي صلى الله عليه وسلم (( لا تكثر الضحك ، فإن كثرة الضحك تميت القلب))

أختكم baby Cute

مرحب

اول شي مشكورة عالموضوع الغاوي

ثاني شي احم احم بجاوب عالاسئله

1\ ماهي حدود المزح بين البعض؟

كل شي له حدود والشي لا زاد عن حده انقلب ضده

والمزح له حدود وحدوده انه ما نجرح مشاعر الاخرين ونقول نحن كنا نمزح


2\ يعني لازم في كل وقت نستخف بدمنا؟؟

اكيد لا كل شي بوقته حلو والقهر يوم اييونج ناس

ويمزحون بوقت ابد ما يصلح حق المزح

يعني الموقف ما يساعد انه حد يمزح وهو حضرته

يستخف دمه وياي يمزح :184:

3\ ما نصيحتك لمن يمزح ليصل لجرح مشاعر غيره بإسلوبه الساخر الذى يصل لحد عدم اللياقة والبغض ؟؟

اقوله ثمن رمستك قبل لا تقولها وحط مكانك مكان الثانيين

واذا هالكلام جرحك اكيد بيجرح غيرك فلا لا تقوله

مب لازم تمزح ولا حتى ترمس اذا كلامك بيجرح الثانيين

4\ ما نصيحتك لمن يتقبل هذة الطريقة فى المزاح ؟؟

يمكن لانه واحد منهم ولا الصراحه المزاح اللي يجرحني ابد ما بتقبله

وبرد على راعيه وبقوله ترى حتى المزاح له حدود يا محترم

5\ ما رايكم بهؤلاء الأشخاص الذين يمزحون في كل الأوقات
وحتى التي تتطلب الجد ومنهم هؤلاء
الذين يجرحون ويشتمون ثم وبكل وقاحة يوجهون لك هذه العبارة
( امزح وياك ) ..!!

ما اعرف شو اقولج بس شرات ماقلت يعني الشي اللي يزيد عن حده ينقلب ضده

كل شي له وقت المزح له وقت والجد له وقت مب كل الوقت مزح في مزح

وخاصه وقت الجد المزح ابد ما ينقبل فيه وياما ناس تزاعلوا بسبت هالشي

6\ هل يدخل المزاح في الشتم والتجريح ؟!!

هذا اصلا اللي يعرفون المزاح المزاح معناته انه يقول شي بهدف انه

يضحك الاخرين بدون الشتم والتجريح

السموحة منج ختيه الموضوع مكرر