مشكلة ناقل الحركة في سيارتي التريل بليزر 2005
 

السلام عليكم ورحمة الله وبركاته
انا من مدينة ينبع الصناعية اخوكم مزنووووووووق:(:(:(:l

انا عندي بليزر 2005 LT من الجميح

ارجوكم ساعدوني..امس ظهرت لي علامة شيك انجين وديتها لميكانيكي وشيك بالجهاز ولقى عندي مشكلة بين النمرة الاولى والتانية في الجيربوكس..يقول السبب الحساس ولما ساق السيارة غير رايه وقال المشكلة في الثالث والرابع انا احسها ساعات يتاخر النقل بين النمر واحد واثنين بس مو دايما كمان..لاني لاحظت المشكلة من ثلاثة ايام لكن ظهرت العلامة امس فقط..
حتى عندي عداد السرعة مايشتغل وقال لي الميكانيكي هذي كلها مشكلتها الحساس حق الجيربوكس..وديتها لـ شركة ايه سي ديلكو..وهما تابعين للجميح على فكرة شيك على زيت الجيربوكس وقال انه وسخ ولازم يتغير مع الفلتر وهذا حل مشكلة التاخير...بس قال انه على مسئوليتي..ولما قلت له كيف اشرح لي
قال انه السبب انه كلتشات الجيربوكس المادة اللي بينهما شبه صلبة بسبب التاخير في تغيير الزيت وبعد تغيير الزيت بيصير فراغ لانه المادة اصبحت سائلة فممكن ماراح تعشق السيارة ووممكن تمشي بكل سهولة ومافيها شي...يقول انها حصلت معاه في سيارتين قبل كده واحدة مشيت والثانية اتحملت على سطحة..

ملاحظة:::: السيارة ماشية 220 الف وحصلت لي المشكلة نفسها قبل اربع سنين واتفرط الجربوكس ماكان يعشق على الرابع وصلحته على الضمان كانت السيارة ماشية 20000 بس وغيروا الحساس وفكوا الجيربوكس ونظفوه

اعرف اني طولت واسف على الاطالة بس سؤالي يا اصحب الخبرة هل ده الكلام صحيح؟؟ وكيف احل المشكلة ؟؟

ارجوكم تفيدوني وبسرعة لاني ضروري اسافر نهاية الاسبوع الجاي وخايف اسافر بالسيارة وتقطع علي بالسفر..وخاصة انه راح يكون معاي اهلي وناس كبار كمان...