مقابلتي مع سوهير
 

بسم الله الرحمن الرحيم
الحمدلله ان هناك نت نفضفض على اعمارنا شوي , ارجوا من الادارة عدم حذف الموضوع لان الذبيحة عند الذبح تترك لكي تفرفرش شوي الين يطلع الدم وخلونا نفرفش شوي ..
هالمرة الجلاد اسف قصدي القصاب هو سوهير ياعله مايسهر الا على خير
ماظني نشوف الخير منه .
قبل امس واحد من الزملاء يتشكى يقول قصبني سوهير وانا امشي فوق 80 بشوي وزرف مني 300 وتوني مسدد لاتدبل علي ...
احوووول وش سالفك ياسوهير على الناس ورا ماتصير محضر خير ..
سمعني سوهير ومدري كيف سمعني !!
قال تعال اقولك القصة ..
قلت : هذا اللي ابي ..
قال : يارجال انا في كل العالم موجود ولا احد اشتكى كثر ماشتكيتوا انتم ..
قلت : ليش السبب منا او كيف .
قال : لا .. انا اول ماجيت عندكم استغربت من مستضيفيني ..
وفهموني ليش استدعوني ومالي الا الطاعة ..
قلت : مابعد فهمت شئ عطني الزبدة
قال : الزبدة عند البقر
قلت : تنكت انت وجهك
قال : وش اسوي من حسن ضيافتكم انت وجيهكم .
قلت افاااااااااااااا عسى ماتفشلنا معك .. معروف عنا حسن الضيافة ..
قال : تصدق اول اشوف ناس تعلق ضيوفها على النخل واللوحات الارشادية او على المواصير ... وكل هذا نمشية .. اما تركونني في عربية خبز واجلس مع خياس ابوهنود .. وقبل امس يصرح ويقول على دباب بعد.
.. لاصرتوا عجزين عن وضع امكنه خاصة لي فلا تبلشوني .
قلت : صدقت والله انا قبل اسبوع رحت لقطر وسوهير هناك معزز مكرم تشوفه كل كيلو كبر سماح بن رماح والناس تهدي كل شوي يعني الغرض من(تخفيف السرعة تم) .
اجل انت الغرض منك وشو ,,
قال : ماتفهم اقولك على الشجر وبعض المرات على وضع الانبطاح ..
قلت : بس بس فهمت , اجل شفت امس منظر استغربت منه ..
انا امشي 110 وفجأة خذت المخرج بمسك خط الملك فهد الا واللوحة 40 بغيت اهدي خوفا منك ياسوهير والله والله ماقدرت حسيت ان اللي وراي بينقزني .. ليس بسبب السرعة لكن يالله وصلت 70 .. الظاهر ان ربعك ياسوهير يوم يقيسون السرعة كانوا على سياكل .
واسولف عليه وهو مشمئز !! واقول له سالفة القروي اللي جاي من الديرة يتقضى هو وحرمته .. من قدهم تاركن القيصيريه ومتجهين للفيصلية ..
الضعيف حامي يشتري ومستاجر شقة ... ويوم رجع للديرة الا تجيه رساله 2000 ريال .. يازين القيصيريه بس .
قال : مدري عنهم انا جيت ولقيت الاوضاع كذا ..
والادهى بعد انكم تبخون وجهي ببخااااااااااخ احمر واسووووود ..



صرااااااااااحة ضحكت عقب سالفة هالبخاااااخ وفجأة اختفى سوهير عني .

ارجوا ان لا اكون اطلت عليكم ...... وشكراً