منتدى استراحات زايد - خيانه حبيبتي!!

خيانه .. وانتهت آخر حكاية عشقي المجنون
حكاية عشق ياما الناس قالتها وعادتها
حكوا عني... وحكوا عنها... وعن حب ملا هالكون
وكانوا يحلفون بحبنا... وصدقي ...وطيبتها
وكم واحد تمنى لو خذا من لون حبنا لون
وكم وحده تمنت لو تشابهنا... حكايتها
أنا وياها كنا حلم بالمعنى وبالمضمون
لكل اثنين كانت قصة حبهم تعلن بدايتنا
وفي يوم صرخ فيه الوفا من ظهره المطعون
بدايته جروحي والوفا مات بنهايته
في ذالك اليوم كان اهون علي احيا بدون عيون
ولا اشوف اللي شفته من حبيبة قلبي ساعتها
بعيني شفتها وهي بتعاير بيا في... الدبله
سعادتها فيها تشبه بقربي سعادتها
وهي طايره من الفرحه ولا تدري بأنها تخون
ويمكن تدري وساكته ولا تهمها حقيقتها
بعيني شفتها ماهو حكي وخيال و ظنون
بعيني ليت عيني عمرها مايوم حبتها
وقفت .. لسان حالي يقول: ليه؟ ومن متى؟ وكيف؟؟
عساي القا سبب واحد يبرر لي خيانتها
وادور للجريمه ثغره في كل مذهب وقانون
ولكني عجزت القا عذر يغفر جريمتها
قبل هاليوم كنت اسمع كثير من البشر يشكون
من سيوف الغدر واضحك وانا اتباهى في براءتها
أنا ماكان عندي شك ولو واحد من المليون
في صدق اللي تقوله عن غلاتي وعن محبتها
خيانتها أعطت حجه لكل اللي بدهم يخونون
ومن هاليوم كل خاين بيتعذر بقصتها
مادام اوفا البشر خانت حرام الباقي ينلامون
وكلمات الوفا لاعاد احد يحكي سيرتها
خيانه .. وانتهت آخر حكاية عشقي المجنون
وضاع الحلم في ليله... الوفا مات بنهايتها