منتدى استراحات زايد - مناظره بالنيسان

شريت موتر نيسان
كل يوم وهو خربان
امبوش يطلع دخان
ياليت ما اشتريته
كل يوم يابيله تصلح
رايح جاي للتشليح
ياناس منه قمت اصيح
ابهامي ندم عضيته
وضبت وصلحت القير
واثره ياناس مابه خير
لامشى يفور تفوير
ياما وياما دفيته
صلحت وقلت ميخالف
لو اني ياناس حالف
اثره مكتوبً تالف على بابه قريته
يمشي وياقف في كل سوق
وزيته يخر من فوق
يوم ويصير محروق
ثم الكبوت غطيته
رد النيسان
ترى الرجل البخيص
مايشري موتر رخيص
خلك عارف وحريص
تتحسف لو شريته
اشتري اخر موديل
موتر ما يبغى تبديل
كيا وكابرس وازنوبيل
الجديد حلوً لقيته
نيسان جديد او باترول
خفيف يمشي على طول
والتيوتا بدون قول
جيبً والله مانسيته
اقعد راسك يانيم
لاياك تشري القديم
لو كان بديه سليم
شي يطلع ماهقيته