|
قم يانديمي فوق جمس راعيه زعلان قم يانديمي فوق جمس راعيه زعلان له ثمان شهور وهويعد اليام واليالي سقه ولايوقف الافي فياض الصمان في ديرتن جعل السيل فيها دايمن همالي ومعي ربعن نشاما على العز والجنان زحازيح رجال من الجد الاول والتالي ومعنا حرن اشقر اسمه سلمان يضرب الخرب لين معاد فيها مجالي وجينا الفياض والعشب فيها كنه البستان وفيها ام سالم تزعج الصوت وتلالي وشبينا النار في وادي له بقلب شان وسوا ادله والبراد معرب الخالي جلسنا وسمرنا في جو ساقان وتبادنا السوالف دقها والجلالي وتعشينا باقي صيدنا وباقي الطليان في مجلسن مايمل والقمر فيها يلالي وقمنا الفجرواحدن منا رفع صوت الاذان وصلينا وعبدنا الله ولاغير الله والي وشبينا نار الصبح وسويناقهوة الخولان وافطرنا فطورنا من جميع الاشكالي وجلستن في الوادي تسوى دمشق ولبنان هذا كلام القوانيص مهوب كلامي لحالي والبر له بالقلب معزه كبر ضلع ابان عسى البر دايم بخير وله دوم قبالي قضينا مقناصنا واليوم جاله زمان واليوم عسى ربي يعوده معاد فيها محالي وانا جالي مده وانا والله وجعان ودواي البر بتضاريسه جبال وسهالي وجد قلبي وجد عودن خذوه الخوان اتعبهم ودوه دار المسنين ولاله عيالي وجد حالي وجد عودن حداه الديان صابه مرض مزمن وجاه سلالي ويالله تعصمنا عن الحرام وتكفينا شر سوزان وتضفي علينا سترك في جميع الاحوالي ويالله اني دخيلك من ردات النصيب والمتحان وتغفر ذنوبنا لو كانت كثر العيالي والقلب واحد ماله في هدنيا سلوان فيه الي مكفيه من الهموم ثقال وطوالي وقلبي الي مليانن هموم واحزان الفرج عند الي رازق الطيور الجوالي ويعين لاتذرفين الدمع ولايجيك الهوان ودايمن للله اسجدي في كل الافعالي ويانديمي ابا اعطيك كلمه حطها بالقلب بيان ميشان تذكرها الناس اجيال ورى الجيالي واعرف مقدار الرجاجيل ولا تصير عميان خلك دايمن مفتح دوم مركزك في العلالي من اخلص لله حطله في هدنيا عنوان احبه الله واحبه اناس ودايم ماله حلالي وانا مااعف الخطاء والحبه فوق النيشان وحنى فهدنيا مسافرين ودايمن رحالي ولايجيك الذل وانت واحدن من المطران فيهم الكرم فطره في مجالسهم الطيب ودلالي واصبروتصبر والصبر خوي للانسان لاتمله والله كريمن ماله مثــــــــــــالي ذبحتني الدنيا واناعجزت امسكلها عنان كل مامشيت فيها جنوب ودتني شمالي يالله انك تهونها علي وانا لي مدتن سهران ماذوق حلات النوم والجيب مافيه ولاريالي والرزق عند الي منشي السحب مكون الاكوان سبحانه عزبز له عرش بسماء عالي وختامها صلو على رسول الاحسان عدد ماجاءمن الناس ويزور بيته الغالي اخوكم مخاوي الطير واسفين على طول الغياب وسامحونا انجى قصور هذي هداء مني لكم وسلام عليكم |
| الساعة الآن 07:43 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir