|
جول حباري تحت سطح البحر 70 متر (فديو فيه دربكه) السلام عليكم ورحمة الله وبركاته هذي سالفه مع مقطع فديو صارت عندنا في المقناص الاخير تحت سطح البحر 80 متر ههههه مشى الاسم على هالمقناص يوم من أيام المقناص طلعنا الصبح وحصلنا صيد وصدنا ثلاث حباري وبعد الغدا ابو مسيره قال موكد (حباري فقيره) لكنهن مسافه عن هالدار قلنا توكلنا على الله عسى نحصل شي للفروخ الغشامه جينا مزرعه مهجور ومابقي فيها غير أنهارها القديمه ... وكنت مجهز البيور لان أريدله هدد سهل وغديت عين السيح أبو مسيره قال هنا دوروا ...... وفعلا قامت حبارا من الشمال وعطيت البيور (الوثبه) سبوقه وراح على الحبارا يمشي الف هههههه وأخذ ريش شوف العين ....... لكن الارض كلها نهران صغيره وصعبه تسرع وتلحق بالطير ..... في هذه الاثناء طارت حبارا من عند ويل السياره شرق !! منهو الي يجيه صبر هههههههههه لااراديا حذفت (بغداد) من القماره هههههه لاتخافون القماره مفتوحه هههههههه روح بغداد يتلوا ويلكشها وتزل فالتراب ويصيدها ... نسينا البيور وهدده ههههههههه مانهجس الا البيور جاي يمشي هالمره الفين هههههههه ترك حبارته وجا على حبارة بغداد ... الله يلعن أبليس المسافه ماهي بعيده ... لكن شيوصلك أبو مسيره يسوق ....... قال أربطوا الاحزمه هههههه ربطنا الاحزمه وزين مارمى حدمنا من القماره هههههه لكن ما أمدانا نلحق .... يجي البيور ويدعم بغداد والحبارا (دعم) الا طلعت غبره من الارض هههههه وتصير الحبارا بديره والطير في ديره هههههه يترك الحبارا ويمسك الطير ههههههههه لاحول ولاقوه الابالله ماوصلناهم الا وبغداد حاط البيور تحته ويريد يحلله من قهره هههه صحيح البيور أكبر لكن هذا قرناس (خبره) وذاك فرخ جيناهم فازعناهم ...عينوا خير ياجماعه ماهي غلطتكم والله ....... العجله شينه ! بخيناهم ماء وريحنا شوي واحد من الربع قال فيه حبارا طارت وراكم مخالفه رحنا في أتجاه الحباره ... قلت عساها تقوم قريب وأعوض بغداد عن ماصابه لانه الوثبه ظلمه .... ولنها تقوم من بعيد ,شفت الطير طلبها واعطيه سبوقه والله ماقصر رغم أن الطير توه مشبوك ! راح وراها لكنها من النوع نسميه (أم الدخان) ههههههه هذا المصطلح ترى خاص بشلتنا على نوع من الحباري عساكم تحصلون منها دوم ههههههههه عبر النهر الكبير مع الحبارا !! لين لقينا عبره نعبر منها النهر (النهر جاف خالي من الماء لكنه عميق) ضيعناه ولازم نتقفاه بالجهاز بهذه الاثناء سليت سيفي الي مايصده (عين السيح) أبو مسيره قال متغدي وفرسته واصله لمنسره هههههه قلت لايهمك هههههه (هويريد يهد طيره) لكن أنا محترق من الداخل على مشابك الطيور وهدد بغداد الثاني ههههههه المهم شوي ولن قومت (أم الدخان) تتلوا يمين ويسار ووجها على النهر الكبير !!! منهو الي يجيه صبر وعين السيح أطلعها !! هههههه روووووووووح أبو مسيره قال راح نتغربل هههههه عدنا طير بهذا الصوب من النهر وعين السيح راح يروح لذك الصوب قلت يابو مسيره أن الله راد ماتوصل النهر قال هاذي ام الدخان شوفها شلون تتلوا هو يريد يحطم معنوياتي ههههههههه قلت خل عينك عليها ولاتشوف عين السيح أخاف تصيبه هههه طمممممممممم أنتهى الفلم وعين السيح علق فوق النهر قلت روح هاته تراك خسرت ههههه قال ماشاء الله .... والله صحيح شوف العين مايقدرون ينكرون راعين الحرار ههههههههه وهذه صورة أبو مسيره عشان أذكره هههه http://www.mekshat.com/pix/upload04/...esized_y13.jpg رحنا مسكنا طيرنا الثاني وصعدت على كتف النهر أنتظر أبو مسير (مكان مرتفع شوي) أشوف قسم من ربعنا ماجوا معانا !!! هناك وأشوف حباري تشرق وحباري ول ول ول الحق يبو مسيره راعين الحرارعوثوا بالجول ههههههه ركبنا ورحنا باتجاههم وأثاري (الارض ملغمه) جول رايح للمبيت والجماعه يهدون ومامش فايده ههههه ناديتهم بالجهاز قلت ياجماعه طيورنا تاكل طيور ومامسكناهن هههههه (حيلة قرانيس) هناك ونشوف حباري يدرجن قدامهم ونهد ويصيد بغداد ونهد الوثبه وينسبق (الشبكه كانت مأثره عليه) وكان ودي يصيدها فالتراب لكن جا مويهر وشردها وهذا فديو لنهاية الواقعه ههههه وكان فيه هدد رائع لعين السيح في نفس الواقعه لكن لم يتم تصويره طبعا الجول كان أكثر من ثلاثين حبارا لكنه خامر بسب الهدد القريب عليه وكل شوي قامن ثلاث اربع وغابت الشمس علينا وأعتقد كان منه خامر بعد ههههه نستوفي منه العام القادم أن الله أحيانا وأبشروا بالمزيد من المقاطع مازل تعلمن على يويوب والسلام |
| الساعة الآن 07:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir