البارحه مامسيت والفكر محتار=والدمع من محاجر العين فاحي
وتهشمت عوج المحاني ياعمّار=والبال ماله من همومه كفاحي
يادن قلبي دن نجر ابن عبّار=لا دنته دنيا العناء ما استراحي
وانوح نوح الورق في عالي الدار=او مثل من صّوب بحد الرماحي
واصيح صيحت صايح(ن) وسط الاقفار=ساقه كسيره وان بغى يقوم طاحي
على وليف(ن) دق فالقلب مسمار=ثبّت غرامه في فوادي وراحي
آقفى وخلالي على الدار تذكار=مدهالنا يالله عسى ما يزاحي
اسج رجلي له ولوا كان مرار=امر داره لوا مالي صلاحي
خلي جذبني جذبت الطير عفار=لا لوحوا له واصطفق بالجناحي
الشوق ما شاق بدوي(ن) بالاسحار= يشوقه اللي بعارض المزن لاحي
العين عين الي على كف صقار=والخد يشْبه للقمر بتضاحي
له خطوت(ن) عجله كأنه على نار=او مثل ظبي(ن) ذيّير من المراحي
كن المها في عواتقها له آسرار=ولا كما وضحآ جذبها الصياحي
ياغصن بان(ن) نابتن وسط مخضار=يميل إليا هبّت عليه الرياحي
عطره يشادي عطر فواح الازهار=لاهب نسناس الهوى به وفاحي
هذا الذي حبه سطابي ياعمار=وهذا الذي من عقبه السد باحي

ودمتم سالمين


اتمنا من الاخ /يوسف الخليفه ان يقوم بتعديل عنوان الموضوع الى..( انوح نوح الورق في عالي الدار...بدل الشطر الاول من الموضوع