وشلون ما اسعد وانا الله ربي = الخالق البارئ كريم ٍ وغفار
تنبض بأمره كل دقات قلبي = ونفسي بأمره تنتظر اسعد اخبار
الواحد اللي عالمن وش نخبي =وهوعالم ٍ كل الخفايا والاسرار
كريم في حاجت عباده ملبي= واسع وفضله واسع كل الاقطار
عظيم والرحمه عظيمه بربي = كاتب على نفسه رحيم ٍ وغفار
مايعجزه إن شاء ذنبك وذنبي = ماتعجزه لو كانت بكثر الامطار
حي ٍ كريم الله ربي وحسبي = ربي عزيز ٍ في سما الكون قهار
يالله عساني دايم لك أ لبي = ياخير من أرجيه لو صار ماصار
ويالله عساني صادقن لك بحبي = آمين يارحمن ياحافظ الجار
ياللي عبادك في مرادك تلبي = وياللي عليك الرزق يالنافع الضار
يارب بأمرك ينفرج كل كربي = وعليك تسهيل المئآسي والاخطار
عليك يسهل كل صعبٍ بدربي =عليك يامنجي الرسل بين الاشرار
الله وأكبر اشهدو الله ربي =ربٍ العزيز في سما الكون قهار
الله وأكبر والجلاله لربي = المنتقم قادر على كل جبار
الله وأكبر كل عزه لربي = الواحد القهار باقي وجبار
الله واكبر كل قوه لربي = والملك كله ملك الواحد القهار
احمدك واثني والشكرلك ياربي= جعلتني مسلم والرب غفار
وصلاة ربي عد ما أراد ربي = على الرسول المصطفى خير الاخيار