|
لو قالولك تمنى 3 امنيات هل بتتمنى هالاماني ؟! مرحب السلام عليكم شحالكم اعضائنا ومشرفينا ^^ عساكم بخير احم احم الموضوع الله يسلمكم كنا نتناقس فيه البارحه فالكلاس الا وهو كالاتي طلبت مننا المس ان نكتب شو الثلاث الاماني اللي نتمناهن لوول يعني لو عندنا الفانوس السحري وقالنا اطلبوا 3 اماني وبحققها لكم شو بتتمنون طبعا الاماني تختلف من شخص لاخر اللي يتمنى يتخرج ويتشغل واللي يتمنى يسافر الهند ( شراتي يعني لوول ) المهم ما بظهر عن الموضوع فيه امنيه قالت المس انها ما بتتمناها اللي هيه ( السعاده الدايمه ) انا بديت افكر فيها شفت انه معاها حق يعني اذا كنت سعيد طول الوقت ما بتحس بطعم السعاده اما اذا كنت سعيد احيانا وحزين احيانا بتحس بطعم السعاده ^^ وبيكون شعور رائع اكيد والامنيه الثانيه ( ان الانسان ما يتالم ابدا ويكون دايم بصحه وعافيه ) طبعا بعد فهالشي معاها حق يعني الواحد ما يحس بقيمه الصحه الا لما يفقدها ولو كنت طول الوقت بصحه وعافيه ما بتحس بهالشي طبعا المقصد من هالشي انه الانسان طبعه ما يحس بالشي الا لما يفقده فيا ترى لو عندك المصباح السحري شو بتتمنى؟ هل بتتمنى السعاده الابديه هل بتتمنى الحياه بدون الم هل بتتمنى الحياه بدون حزن هل بتتمنى الحياة بدون شر هل بتتمنى الحياه بدون جروح هل بتتمنى الحياة بدون هم ونكد باختصار شديد شو الاشياء اللي ما تتمنى انها تصير لك ( عكس المعروف ) وياليت قبل لا حد يجاوب يفكر بعمق ^^ والسموحه عالاطاله اتمنى انه الموضوع عيبكم وارقب تفاعلكم ^^ |
..حيهم هل لكروزر..... بفكر ولي عوده ع موضووعج...منوره الاستراحه بموضووعج حيااج فيها |
السلام عليكم ورحمة الله وبركاته.. يا سلاام ..خليني اتخيل و انا عندي مصبااح السحري...لووول..با اطلب قصر ..فلوس و سيارة و كل شي..خخخخخخخخخخخخخخخخ....امزح :66::66: ع المهم اول شــي رضــي الله و الوالـدين ..ما اعتقد انه فى شــي اهم من هالشــي .:) و شــي ثانـي...أكمـــــل درااستــــــــــــي ... و شــي ثاالـث يا رب حســن الخاتمــــــــــــــــــــه و تسلميـــن ع الموضــوع..ربي يعطيج صحه و العاافيه |
مرحبا الســــــاع براعية الكروزر والله جان طلعلي ذاك اليني من الفانوس ما بطلب اي شي بفره وبخطف اربع من الروع ،،، واذا طلبت بقوله انجلع عن ويهي بسرعه :0022: لالالا مابفره بزخه بايديني وريولي واذا تطلب الامر بزخه بضروسي بعد وبقوله : اسمعني يابوك وسجل طلباتي الثلاث :- 1) ــ ابا وين ماروح اشوف البسمه ع ويوه الكل مابا اشوف هالحروب والدمار كله 2)ــ اباك تردني زمان اول ايام الابيض والاسود علوعسى نفتك من بلاوي الموضة وهالزمن الاغبر 3)ــ اباك تعدملي شي اسمه تلفزيون عن وجه الارض لأن يسد اللي نشوفه في الواقع ونعيشه لحظة بلحظة اظني اول ما بيسمع اليني ولا المارد (مادري شوسمه) طلباتي بنقع الغبره ولو ابات الليل افرك في هالمصباح مابيطلع ولا حتى بوايق بنص عين :eek: السموحة منج اختي ومشكووووووووووورة وايــد عالطرح اللي اسعدنا وحيـــــــــــــــــــــــــاج الله :9: |
وزيرتنا تسلمين عالمرور الغاوي نورتي الموضوع ونتريا عودتج زهور 2007 وفيمتو تسلمون عالمرور الطيب بس شكلكم ما فهمتوا الموضوع عدل *_* انا اقصد شو هي الاشياء اللي ما بتتمنوها يعني مثلا فيه ناس قالوا انهم ما بيتمنون السعاده الدايمه &_& جيه اقصد انا عالعموم مشكورين عالمرور الغاوي ولا تحرمونا من هالطله الغاويه *_* |
| الساعة الآن 09:09 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir