تفريع الطير على التكاية ؟
 

مساكم الله بالخير يالنشاما ...السلام عليكم ورحمة الله وبركاته ..كيف حالكم يالربع لعل حالكم تمام

حبيت اسال ما هي افضل طريقة تعلم طيرك الركادة على التكاية ..لانه صارت معي قصة مضحكة ..كنت طالع مع واحد من الربع ندعي طيره ...وتوا الرجال متعلم الصقاره يعني توه فقلت اروح معه عشان لا يضيع طيره واساعده باي حاجة ( الله يوفقه ويذكره بالخير) فكنت جالس جمبه وهو يسوق ..الطير على التكاية ومبرقع ... فقلتله علامك ما تفرع الطير ..قالي مدري جرب شوف ..كان اقول يا بو مبارك الله يهداك ..كاني فرعته ..والطير طبعا اخذله دقيقتين يطالع ويتفرج..انا عادي كثير من الطيور كفخت جمبي وانا اسوق ولا اطالعهم ههه لكن يوم كفخ هالطير ..ولا يخترع الرجال ههههه واشوف الموتر يروح يمين ويسار..قلت يا بو مبارك علامك ..الشارع قدامك ..كان يقول ...يو رجال الطير خرعني ..انا هنا مت من الضحك والطير للحين يكافخ ..كان اقوله تبيني اسوق ..قال لا لا ..قلت طيب خلاص لا تحاتي يا بو مبارك ببرقع الطير ..يوم برقعته قام يسوق عادي هههه:d .

والله يالنشاما مت من الضحك انا هههه فيا ليت تعلمونه اسهل او ابسط طريقة لتعليم الطير الركادة على التكاية

الله يجزاكم الف خير ..وبيض الله وجيههكم والله يوفقكم ..تقبلو تحياتي الطيبة اخوكم فالكن 1