منتدى استراحات زايد - معلومه لاصحاب الفتك

الله يصبحكم ويمسيكم بالخير
اخواني اعضاء منتدى مكشات
انا بصراحه عانيت بمشكله بسيارتي باترول 2005 ودفعت مبالغ مايعلم به الا الله
مالكم بالطويله انا جتني مشكله وقفت عند محل ويوم جيت امشي حسيت ان السياره ممسوكه يالله تمشي
ادعس كل البنزين ماتتعدى السياره 40 والقير مافيه شي يغير من نمره الى نمره يعني امورة كويسه
وبعدين رحت درجت الموتر الين وصلت كهربائي ويوم جيته قال خلاص انا بشوفه واكلمك وبعد ساعه كلمني وقال لازم تجي ابيك تشوف شي قلت خلاص اوك ورحت لمه وقال شف الثروتل عندك وسخ لازم انظفه ولازم تغير البواجي وراح اعمل تنظيف للحساسات واسوي تصفيه للمكينه قلت توكل على الله وبعد يومين جيته قال الموتر خلص وخذيت الموتر الا والله الموتر تمام رجع زي اول يوم واحد بس ورجعت المشكله طبعاً ارتفع ضغطي بغيت اموووت من القهر لاني حسيت انه ضحك علي راعي الورشه لانه ماصلحه وانا رايح له بالطريق قلت خلني اكلم ابو صالح التركي الله يجزاه الف خير ويكثر من امثاله اتصلت فيه وقلت له على السالفه وقال كل اللي سويتها مالها علاقه وقال لي المشكله من الكتاوت اللي بالكبوت فيه واحد لونه بني كبير والازرق اللي جنبه على طول غيرهن وافصل البطاريه ربع ساعه وبعدين شغل وامش سويت اللي قالي الله يجزاه خير ورجع الموتر طبيعي لله الحمد ولا كلفت الشغله 120 ريال وانا سويتها والورشه اللي انا رحت لمه شغل يده بس يمكن 700 ريال وهذي كل السالفه
وانا بصراحه قلت اعلمكم عن سالفتي علشان تستفيدون منها واي واحد تجيه المشكله يسوي هالطريقه وان شاء الله امورة تزين ولا راح ابخل عليكم ان شاء الله بأي معلومه لاني انا بعد اخذت منكم معلومات..
الله يجزاكم الف خير اخواني وماقصرتووو ارجو اني افدتكم تقبلوو تحياتي...
ابو عبدالله