منتدى استراحات زايد - جهنم 300 كيلو ....قصة حقيقية للعبرة

بسم الله الرحمن الرحيم

احد المشايخ..من مغسلي الا موات ...قال هذه القصة..

وقد رواها له من حصلت معه هذه القصة يقول هذا الشخص .. والله الذي لا اله الا هو لقد خرجت من الرياض ومافي بالي ان اعمل طاعة
وحدة لله سبحانه وتعالى.. يقول..وكنا مجموعة من الشباب..رايحين الى الدمام..من الرياض.. ومرينا باحد اللوحات على الطريق..فقراها زملائي (( الدمام 300 كيلو ))..

فقلت لهم انا اشوف.. (( جهنم 300 كيلو ))..فجلسوا يضحكون بذي النكته..فقلت لهم والله العظيم اني ماشوف قدامي مكتوب الا (( جهنم 300 كيلو ))..فتركوني وهم مكذبيني .. وراح الوقت..في ضحك..وانا باقي محتار من اللوحة التي قريتها..

قال زملائي هذي لوحة ثانية..كويس قربنا.. (( الدمام 200 كيلو ))..

قلت : (( جهنم 200 كيلو ))..فضحكوا وقالو يامجنون..قلت : والله الذي لا اله الا هو اني اراها (( جهنم 200 كيلو ))..فضحكوا مثل المرة الاولى..وقالوا تراك ازعجتنا..فسكتُ..وانا مقهور..وجالس افكر.. مع الضحك جات اللوحة

قالو الشباب : ماعاد الا قليل..(( الدمام 100 كيلو ))..

قلت والله العظيم اني اشوفها (( جهنم 100 كيلو ))..قالوا : خل عنك الخراط..اذيتنا من اول السفرة..قلت : نزلوني بارجع الرياض..

قالوا : مجنون انت..

قلت : نزلوني بارجع..واله ماعاد اكمل معكم الطريق..فنزلوني..ورحت على الشارع الثاني..وجلست أشر عسى يوقف لي أحد..طولت ما أحد وقف الا بعد فترة وقف لي راعي تريله..فركبت معه..وكان ساكت حزين..ولا كلمة ..

قلت له : يالاخو سلامات..ماودك نسولف..عسى ماعليك خلاف..قال لا والله بس مريت قبل شوي بحادث ..واله مارايت ابشع منه في حياتي..

قلت :عايله والا شباب..

قال لا شباب..سيارتهم (( وذكر سيارة مثل سيارة زملاه ))..

فانفجعت..قلت : اسالك بالله..قال : والله العظيم..وهذا الي شفته.. فعلمت ان الله اخذ ارواح اخوياي بعد مانزلت من السيارة وكملوا طريقهم..

يقول : وحمدت الله ان انقذني من بينهم..ولا أدري هل هم الى جهنم..كما كنت اقرا في الوحات..لا اتمنى ذلك ولكنهم زملائي واعرف كيف كانت معاصيهم..الهم لك الحمد..فواله الذي لا اله الا هو لقد خرجت من الرياض..ومافي بالي ان اعمل لله طاعة..

يقول الشيخ : وهو الان رجل خير عليه سمات الصلاح بعد ان فقد زملاءه بهذه القصة..ثم تاب بعدها.. وأقول ياأخي الحبيب : هل نتظر أن يذهب أربعة أو خمسة من زملاءك الى جهنم حتى تتعظ أنت.. ومايدريك.. قد لاتكون انت الذي تتوب بسب موت اصحابك..بل قد تكون انت الذي يتوب اصحابك بسب موتك على المعاصي والفساد..
.. اللهم لا تجعلنا عبرة للناس.وجعل نعتبر بما يحدث لهم..وبما يدور حولنا اللهم امين "

مـــــــــــــــــــــــــــــــــــع الــــــــــــــــــــــــــــشـــــــــ ــــــــــكـــــــــــــــــر