منتدى استراحات زايد - مشكلة بسيطة قد تتحول إلى كارثة .. انتبه قد تقع فيها ..

بسم الله الرحمن الرحيم ..

حياكم الله كل واحد باسمه ..

عندي اليوم موقف صار لي .. ممكن أي واحد منا يقع فيه قد تتحول المشكلة إلى كارثة وخاصة لو كنت على طريق سفر ومعك عائلة ..

قبل فتره طلعت الصبح رايح الدوام إلا وحده من الكفرات مبنشرة ..( يالله صباح خير ) .
توكلت على الله وفتح الشنطة وطلعت عدتي من عفريته ومفتاح عجل وبديت أفك المسامير .
فكيت 4 مسامير والخامس أوشكت روحي على أن تخرج من جنوبي ما تحرك .. حاولت وحاولت لكن مافيه فايدة واضح إن المسمار كان مصدي .. رجعت ربطت مساميري اللي أهملتها وأخذت منفاخ من أخوي ونفخت لين ارتفع الكفر شوي .. ومشيت لن أقرب محطة والحمد لله هي قريبة جدا ..
طبعا أبو يمن فكه بالدريل ..
السؤال :
أنت في هالموقف وش تسوي وخاصة لو كان معك عائلة في مسافر مثلا ..
بنشر عليك كفر ولا قدرت تفك المسامير أو واحد من المسامير عك معك ولا انفك ؟؟

تأكد : رأيك ورأي أخوانك الأعضاء تعطينا حل بإذن الله .. فلا تبخل علينا ..

رحم الله والدين كل من سيدلي بدلوه في الموضوع .
وغفر الله لكل من قرأ الموضوع ..